თბილისის საკრებულოში რიგგარეშე სხდომა გაიმართა, რომელზეც წარმომადგენლობითი ორგანოს თავმჯდომარემ საკრებულოს წევრებს ოთხი დეპუტატის ადგილმონაცვლეების შესახებ მიაწოდა ინფორმაცია.

როგორც გიორგი ტყემალაძემ აღნიშნა, მეექვსე მოწვევის საკრებულოში „ქართული ოცნების“ საარჩევნო პროპორციული სიის მე-10 ნომერს გიორგი ალიბეგაშვილს, რომელიც ენის სახელმწიფო დეპარტამენტის ხელმძღვანელად დაინიშნა, ლევან ჟორჟოლიანი შეცვლის.

ასევე ცნობილია, რომ საკუთარი განცხადებების საფუძველზე უფლებამოსილება შეუწყდათ ახლადარჩეულ საკრებულოს წევრებს ,,ევროპული საქართველოდან“ და ,,ერთიანი ნაციონალური მოძრაობიდან’’ დავით ავალიანს, დავით დარჩიაშვილს და ნიკანორ მელიას, რომლებსაც მათივე თანაგუნდელები -ელენე ოზაშვილი, დავით ჟღენტი და მარინა დათუკიშვილი ჩაანაცვლებენ.

გიორგი ტყემალაძემ დეპუტატებს 4 ფრაქციის ფორმირების თაობაზე მიაწოდა ინფორმაცია.

ფრაქციის ,,ქართული ოცნება-დემოკრატიული საქართველო’’ თავმჯდომარე ბექა დავითულიანი იქნება.

საკრებულოში  3-3 დეპუტატით იქნება წარმოდგენილი ფრაქციები: ,,ქართული ოცნება-მრეწველები’’ და ,,ქართული ოცნება- კონსერვატორები’’  და მათ ვლადიმერ ძნელაძე და დავით უთმელიძე უხელმძღვანელებენ.

რაც შეეხება ფრაქციას ,,ერთიანი ნაციონალური მოძრაობა’’, მისი  თავმჯდომარე  ირაკლი ნადირაძე იქნება.

სხდომაზე  საკრებულოს თავმჯდომარემ გიორგი ტყემალაძემ დეპუტატებს  დასამტკიცებლად კომისიების ხელმძღვანელების  კანდიდატურები წარმოუდგინა.

კენჭისყრის შედეგად მიღებული გადაწყვეტილებით, მეექვსე მოწვევის საკრებულოში მოქმედ კომისიებს  უხელმძღვანელებენ: იურიდიულ საკითხთა კომისია - ლევან ჟორჟოლიანი; ჯანმრთელობის დაცვის და სოციალურ საკითხთა კომისია - გიორგი ბირბიჩაძე; ურბანული დაგეგმარების და საქალაქო მეურნეობის კომისია - რევაზ სოხაძე; სარევიზიო კომისია - რიმა ბერაძე; ქონების მართვის და საფინანსო-საბიუჯეტო კომისია - ირაკლი ზარქუა; განათლებისა და კულტურის კომისია - თამარ ტალიაშვილი; ადამიანის უფლებათა დაცვისა და სამოქალაქო ინტეგრაციის კომისია- თედო ისაკაძე; ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისია - ოთარ გრიგოლია; გარემოს დაცვის კომისია - ერეკლე კუხიანიძე; სპორტისა და ახალგაზრდულ საქმეთა კომისია - გიორგი ჩაკვეტაძე; სახელდებისა და სიმბოლიკის კომისია - თინათინ ნიბლოშვილი.

დღესვე სხდომაზე დეპუტატებმა კომისიების პერსონალური შემადგენლობა დაამტკიცეს.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ