„დარწმუნებული ვარ, ეს სამეცნიერო მუშაობა გაგრძელდება და კიდევ ბევრ საინტერესო ფაქტს აღმოვაჩენთ ჩვენ ქართული ღვინის და საქართველოს მეღვინეობის შესახებ“, - ასე გამოეხმაურა საქართველოს პრემიერ-მინისტრი გიორგი კვირიკაშვილი მთავრობის დღევანდელ სხდომაზე მსოფლიოში აღიარებული მეცნიერებისა და მკვლევარების დასკვნას ქართული ღვინის შესახებ.

პრემიერმა აღნიშნა, რომ საერთაშორისო სამეცნიერო ჯგუფი აღნიშნულ საკითხზე ოთხი წლის განმავლობაში ძალიან ინტენსიურად მუშაობდა.

„დარწმუნებული ვარ, ყველას გიხარიათ ის, რომ მეცნიერებმა სხვადასხვა ქვეყნიდან, კერძოდ - აშშ-დან, საფრანგეთიდან, იტალიიდან, კანადიდან, დანიიდან და ისრაელიდან, დაასრულეს მუშაობა და ყველამ ერთხმად აღიარა, რომ ყველაზე ძველი ღვინო ნაპოვნია საქართველოში და მეღვინეობა საქართველოდან გავრცელდა. ჩვენ გვაქვს საშუალება, ჩვენი ქვეყანა ამ კუთხით ძალიან პოზიტიურად წარმოვაჩინოთ საერთაშორისო მასშტაბით და სწორედ ამან მოგვცა საშუალება, ბორდოში, ღვინის ცივილიზაციის ცენტრში საქართველო ამ სტატუსით წარმდგარიყო. ეს ჩვენ ყველას ძალიან გვიხარია, ძალიან დიდ სიამაყეს ანიჭებს საქართველოს და საქართველოს ყველა მეგობარს. კიდევ ერთხელ გილოცავთ ამ ფაქტს", - განაცხადა პრემიერ-მინისტრმა.

ავტორი: ,

სოციალური ქსელები

ევროკავშირში მეორე სამხედრო ქარხანა აფეთქდა, რომელიც უკრაინისთვის იარაღის მომწოდებლებთან იყო დაკავშირებული

უკრაინამ რუსეთს შავ ზღვაში ცეცხლის შეწყვეტა შესთავაზა

გებელსიადა ComCom-ში საბჭოთა ცენზურის დაცვით

„ქართული ოცნების“ გამოცხადებული ღალატის ქრონიკა