ევროკავშირი საქართველოს რეფორმების გაგრძელებასა და ეკონომიკის გაძლიერებაში დახმარებას ჰპირდება.

 ამის შესახებ  ევროპული სამეზობლო პოლიტიკისა და გაფართოებაზე მოლაპარაკებების საკითხებში ევროკომისარ იოჰანეს ჰანმა განაცხადა.

„მოხარული ვარ, რომ ვიმყოფები საქართველოში და მომეცა პრემიერ-მინისტრსა და მთავრობის წევრებთან შეხვედრის შესაძლებლობა. მე აქ ვარ არა მხოლოდ იმიტომ, რომ განგვეხილა ასოცირების ხელშეკრულებისა და ღრმა და ყოვლისმომცველი თავისუფალი სავაჭრო სივრცის შესახებ შეთანხმების განხორციელების საკითხები, ასევე მაინტერესებდა, მომესმინა საქართველოს პოზიცია აღმოსავლეთ პარტნიორობის სამეზობლო პოლიტიკასთან დაკავშირებით და რიგის სამიტზე“, - განაცხადა იოჰანეს ჰანმა.

ევროკომისარმა მცირე და საშუალო ბიზნესის განვითარების მნიშვნელობაზე ისაუბრა და აღნიშნა, რომ ეს ეკონომიკის გაძლიერების ერთ-ერთი ძირითადი წინაპირობაა.
„როცა საქმე ეხება მოქალაქეებს, ჩვენ მხარს დავუჭერთ ეკონომიკური შესაძლებლობების შექმნას ყველასთვის. საქართველოში ბიზნესმა უნდა ისარგებლოს ევროკავშირის რეგიონალური ინიციატივებით. მცირე და საშუალო საწარმოები ქვეყნის ეკონომიკის ხერხემალია და წარმოადგენს ახალი სამუშაო ადგილების შექმნის მნიშვნელოვან შესაძლებლობას. ეკონომიკის გაძლიერება მნიშვნელოვანია, რათა მოქალაქეების კეთილდღეობის დონე ამაღლდეს“, - აღნიშნა იოჰანეს ჰანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში