დაავადებათა კონტროლისა და საზოგადოებრივი ჯანმრთელობის ეროვნულ ცენტრში თბილისის 24-ე საჯარო სკოლაში ტუბერკულოზის ოთხი შემთხვევის გამოვლენას არ ადასტურებენ.

როგორც "ექსპრესნიუსს" დაავადებათა კონტროლის ეროვნული ცენტრის წარმომადგენელმა განუცხადა, ტუბერკულოზის 4 შემთხვევა არა  24-ე სკოლაში, არამედ, შესაძლოა, მთლიანად სკოლებში დაფიქსირდა.

ცენტრში აღნიშნავენ, რომ ტუბერკულოზის დაავადება ნებისმიერ ასაკობრივ ჯგუფში რეგისტრირდება, მათ შორის სასკოლო ასაკშიც, თუმცა, მათივე თქმით, საზოგადოებრივი ჯანმრთელობის სამსახურები, სახელმწიფო პროგრამის ფარგლებში, სხვადასხვა ტიპის კონტაქტების ეფექტურ  კვლევას ახორციელებენ.  დაავადებათა კონტროლის ეროვნულ ცენტრში ირწმუნებიან, რომ დღეისათვის, ტუბერკულოზის დაავადების გავრცელების კუთხით, პანიკის საფუძველი არ არსებობს.

"ზოგადად, ტუბერკულოზი გავრცელებული დაავადებაა ჩვენს  ქევაყანაში, ნებისმიერ ასაკობრივ ჯგუფში რეგისტრირდება, მათ შორის  სასკოლო ასაკშიც.სკოლის შემთხვევები ახლა  არ იკვეთება და რომც იყოს და რომც დაფიქსირდეს სკოლებში, სახელმწიფო პროგრამა გულისხმობს კონტაქტების მაქსიმალურად კვლევას, როგორც ოჯახური, ასევე სხვა ახლო  ტიპის კონტაქტების და მათ შორის კლასის მასშტაბით იგულისხმება. საზოგადოებრივი ჯანმრთელობის სამსახური ტერიტორიული ვინც არის, თუ თბილისშია თბილისის აკეთებს ამ კვლევას, თუ რაიონებშია, შესაბამისი რაიონი ამას ყველაფერს უზრუნველყოფს მაქსიმალურად გულისხმიერებითა და ბოლომდე. ასე რომ, საპანიკო და აღსაშფოთებელი ნამდვილად არაფერი არის. 24-ე სკოლაში 4 შემთხვევა არ დაფიქსირებულა.  ცალკეულ სკოლებში რაღაც პერიოდულობით თოთო შემთხვევა შესაძლებელია იყოს. თანაც, ტუბერკულოზს სწრაფად გადაცემა არ ახასიათებს, ერთდროულად 4, 5  და 9 შემთხვევა ასე არ რეგისტრირდება.შეიძლება ვინც კონტაქტშია, რამდენიმე წლის შემდეგ გამოუვლინდეს",-განუცხადეს "ექსპრესნიუსს" დაავადებათა კონტროლის ეროვნულ ცენტრში.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში