ლეგენდარული ისლანდიელი მუსიკოსი ბიორკი თბილისში დღეს დილით, გამთენიისას ჩამოფრინდა.

იგი საქართველოში 12 კაციან ჯგუფთან ერთად ჩამოვიდა. როგორია ბიორკის განრიგი კონცერტებამდე, ჯერჯერობით უცნობია. გავრცელებული ინფორმაციით, ის მუსიკალური ექსპედიციის ფარგლებში, საქართველოს რამოდენიმე კუთხეს ესტუმრება.

დღესვე თბილისში ჩამოფრინდება ბიორკის ორივე კონცერტის დირიჟორი, ახალგაზრდა ისლანდიელი მუსიკოსი ბიარნი ფრიმან ბარნასონი.

ევგენი მიქელაძის სახელობის ეროვნული სიმფონიური ორკესტრის რეპეტიციებს, ბარნასონი ხვალიდან შეუერთდება.

ბიორკი ცნობილ კომპოზიციებს  სწორედ ორკესტრის სიმებიანი საკრავების თანხლებით შეასრულებს.

“ექსპერიმენტულად შემოქმედებით მოვლენად“ აღიარებული ცოცხალი ლეგენდა კონცერტებს 31 ოქტომბერს თბილისის დიდ საკონცერტო დარბაზსა და 3 ნოემბერს ოპერისა და ბალეტის თეატრში გამართავს.  კონცერტებს წარმოგიდგენთ თანამედროვე მუსიკისა და ვიზუალური ხელოვნების ფესტივალი SOU და სასტუმროების ქართული ბრენდი ROOMS HOTELS.

შეგახსენებთ რომ ოპერის თეატრში გასამართ ღონისძიებაზე ბილეთები სრულად და 25 ქვეყნის მასშტაბით გაყიდულია, ხოლო ფილარმონიის კონცერტზე დარჩენილია ბილეთების ნაწილი (ფასი 200 ლარიდან).

ავტორი: ,

სოციალური ქსელები

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა