წინანდლის ალექსანდრე ჭავჭავაძის სახლ–მუზეუმში დღეს,  გამოფენა „ფიროსმანი წინანდალში“ გაიხსნება, სადაც  ექსპონირებული იქნება  მირზაანის სახლ მუზეუმში დაცული ფიროსმანის 13 ნამუშევარი, პაბლო პიკასოს «ნიკო ფიროსმანაშვილის პორტრეტი»  და ფიროსმანის სხვადასხვა პერიოდის  საგამოფენო აფიშები.         

კულტურული მემკვიდრეობის დაცვის ეროვნული სააგენტოს ინფორმაციით, პროგრამა  „მუზეუმების კოლექციიდან“ 2015 წლის იანვარში დაიწყო. პროგრამის ერთ-ერთი მთავარი პროექტია  ფიროსმანის მირზაანის კოლექციის პრეზენტაცია, რომელიც თითქმის ნახევარი საუკუნის განმავლობაში მხოლოდ მირზაანის სახლ-მუზეუმის სტუმრებისთვის იყო ხელმისაწვდომი. 
 მარტის თვეში ფიროსმანი  თბილისის ხელოვნების სასახლეში იყო წარმოდგენილი. აპრილში ექსპოზიცია ქუთაისში გამოიფინა. 3-დან 31 მაისამდე გამოფენა წინანდლის ისტორიული კომპლექსის სტუმარი იქნება, ხოლო მოგვიანებით მას ბათუმის სახელმწიფო მუზეუმი უმასპინძლებს.

 დღეს,  წინანდლის საგაზაფხულო სეზონის გახსნაზე საფრანგეთის სიმებიანი კვარტეტი «არპეჯიონე»,    იზაბელ ფლორის - (I ვიოლინო) ნიკოლა რისლერის (II ვიოლინო), არჩილ ხარაძის (ალტი) და ალექსანდრე ჩიჯავაძის (ჩელო) შემადგენლობით  ფრანც შუბერტის,  გია ყანჩელის   და  დიმიტრი შოსტაკოვიჩის ნაწარმოებებს შეასრულებს. 

სიმებიანი კვარტეტი 1988 წელს დაარსდა და გამოჩენისთანავე მიიპყრო მუსიკალური სამყაროს ყურადღება.. 1989-1993 წლებში «არპეჯიონე» იყო პარიზში სორბონის ორკესტრის რეზიდენტი, მართავდა კონცერტებს რიშელიეს ამფითეატრში, შანზ ელიზეს თეატრის, შატლეს, ბასტილიის ოპერის, დორსეს მუზეუმის, კარუსელ დე ლუვრის და სალ გავოს სცენებზე.
 კონცერტი დაიწყება 14:00 საათზე.  ფიროსმანის გამოფენაკი,  გაიხსნება 15:00 საათზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა