2017-10-19 22:38:01, 2027 ნახვა

---

უგულავა: პრეზიდენტს ხელის მოწერით, პასუხისმგებლობა საკუთარ თავზე არ უნდა აეღო - შემთხვევით მოხვედრილია ამ თანამდებობაზე

"ევროპული საქართველოს" ლიდერის გიგი უგულავას განცხადებით, პრეზიდენტ გიორგი მარგველაშვილს ახალ კონსტიტუციაზე ხელის მოწერით, პასუხისმგებლობა საკუთარ თავზე არ უნდა აეღო, - ამის შესახებ გიგი უგულავამ გადაცემა "რეაქციაში" განაცხადა.

პოლიტიკოსის შეფასებით, პრეზიდენტს გადაწყვეტილებების მიღება უჭირს.

"გიორგი მარგველაშვილი შემთხვევით მოხვედრილია ამ თანამდებობაზე. ყოველი მისი ნაბიჯი სამწუხაროდ ამას კიდევ ერთხელ და დამატებით ამოწმებს. ის აბსოლუტურად არათანმიმდევრულია თავის ქმედებებში. მის მიერ ახალ კონსტიტუციაზე ხელის მოწერა, წმინდა ფორმალური ხასიათისაა.  თუ დოკუმენტი არ ვარგა, ის ერთპარტიულია, თუ დოკუმენტში მრავალი ნაღმი დევს, მაშინ მასზე ხელმოწერით მას არ უნდა აეღო პასუხისმგებლობა საკუთარ თავზე. ბატონი კობახიძე, რომელიც ერთი წელია პოლიტიკაში მოვიდა და უკვე დიდი, სქელი ვარდისფერი სათვალეები უკეთია და ასე უყურებს ცხოვრებას, მოაწერდა ხელს. პრეზიდენტი ვერ იღებს გადაწყვეტილებებს, უგერგილოა, უხერხემლოა, უმარილოა - შემიძლია ეს ეფიტეტები გავაგრძელო. რატომ თამაშობს ეს ხალხი ამ გაუგებარ პიმპონგს?! მაშინ დაეწერა ვეტოში ის მუხლები რასაც უმრავლესობა სთავაზობდა", - განაცხადა უგულავამ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი