„თიბისი ბანკის“ მხარდაჭერით, ექსკლუზიურად ქართველი მუსიკოსებისა და სტუდენტებისთვის, ლეგენდარულმა ჯაზშემსრულებელმა, კონტრაბასისტმა რონ კარტერმა, თავის ტრიოსთან ერთად, მასტერკლასი გამართა.  

 „ეს ჩემი პირველი სტუმრობაა საქართველოში. მსმენელმა ძალიან თბილად მიმიღო და ამით ძალიან ბედნიერი ვარ. ქართველები ძალიან კარგი მსმენელები ხართ“,- აღნიშნა რონ კარტერმა მასტერკლასის დასრულებისას.

 რონ კარტერი საქართველოში ჯაზის საერთაშორისო დღის აღსანიშნავად ჩამოვიდა. პროგრამის ფარგლებში, მან რუსთაველის თეატრში გუშინ დაუვიწყარი კონცერტიც ჩაატარა. 

 ჯაზის საერთაშორისო დღე 2011 წლის ნოემბერში  იუნესკოს გენერალური დირექტორის ირინა ბოკოვასა და იუნესკოს კეთილი ნების ელჩის მუსიკოსის ჰერბი ჰენკოკის ინიციატივით 30 აპრილს დაწესდა და პირველად  2012 წელს, პარიზში, ნიუ-იორკსა და ნიუ-ორლეანში აღინიშნა.

ყოველწლიურად ერთსა და იმავე დღეს მსოფლიოს სხვადასხვა ქვეყანა ჯაზის ვირტუოზებს გრანდიოზულ გალა-შოუზე მასპინძლობს. მსოფლიო დონის ჯაზ-მომღერლები ერთად იკრიბებიან და მშვიდობაზე, ტოლერანტობასა და თავისუფლებაზე მღერიან. ამ ღონისძიებას ბოლო წლების განმავლობაში მსოფლიოს, რამდენიმე ათეულ ქვეყანასთან ერთად,  საქართველოც უერთდება.

 რონ კარტერი თბილისს „თიბისი ბანკის“, საქართველოს კულტურისა და ძეგლთა დაცვის სამინისტროს, საქართველოს იუნესკოს საქმეთა ეროვნული კომისიისა და საქართველოში აშშ-ის საელჩოს მხარდაჭერით ეწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა