ესპანეთის ხელისუფლება კატალონიის მეთაურს კარლეს პუჩდემონს მოუწოდებს, "დაუფიქრებელი გადაწყვეტილებებისგან თავი შეიკავოს", - ამის შესახებ Ria იუწყება.

ესპანეთის კულტურის მინისტრი, ოფიციალური მადრიდის წარმომადგენელი ინიიგო მენდეს დე ვიგო აცხადებს, რომ პუჩდემონმა არ უნდა მიიღოს გადაწყვეტილება, რომელიც "კატალონიას და მის მოსახლეობას ზარალს მიაყენებს".

"ევროპამ განაცხადა, რომ დამოუკიდებლობის ერთმხრივად გამოცხადებას არ აღიარებს. არ უნდა გაკეთდეს ის, რისი გამოსწორებაც შემდგომ შეუძლებელი იქნება. დროა დავფიქრდეთ. ვთხოვ პუჩდემონს, არ იაროს იმ გზით საიდანაც დაბრუნება გაუჭირდება", - განაცხადა მინისტრმა.

ამასთან, გენერალიტეტის ოფიციალურმა წარმომადგენელმა ჟორდი ტურულმა აღნიშნა, რომ "დღეს ისტორიული დღეა", თუმცა მან სხვა დეტალებზე არ ისაუბრა.

ცნობისთვის, დღეს კატალონიის პარლამენტში რეგიონის მეთაური კარლეს პუჩდემონი სიტყვით გამოვა. ის ე.წ. რეფერენდუმის შედეგებს ოფიციალურად გამოაცხადებს. მიუხედავად იმისა, რომ დღის წესრიგში არ არის გაწერილი გამოაცხადებს თუ არა ავტონომიური რესპუბლიკის მეტაური დამოუკიდებლობას, არ არის გამორიცხული ეს სწორედ დღევანდელ შეხვედრაზე მოხდეს. აღსანიშნავია, რომ პოლიციას პარლამენტის მიმდებარე ტერიტორია და პარკი გადაკეტილი აქვს, სადაც შესვლის უფლება მხოლოდ დეპუტატებსა და მედიის წარმომადგენლებს აქვთ. 

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება