კატალონიის სამართალდამცველებმა პარკ სიუტადელიას ტერიტორია, სადაც ავტონომიური რეგიონის პარლამენტი მდებარეობს, გადაკეტეს, - ამის შესახებ Reuters იუწყება.

მედია საშუალების ინფორმაციით, აღნიშნული ზომები უსაფრთხოების მიზნითაა მიღებული.

პარკის ტერიტორიაზე შესვლის უფლება მხოლოდ დეპუტატებს და მედიის წარმომადგენლებს აქვთ.

ცნობისთვის, კვირას ჩატარებულ საპროტესტო აქციაზე, კატალონიის ესპანეთიდან გამოყოფის მოწინააღმდეგე მოქალაქეებმა პარკის ტერიტორიაზე შეღწევა მოახერხეს. მათ ადგილობრივი პარლამენტის შენობას კვერცხები დაუშინეს.

აღსანიშნავია, რომ ადგილზე გამნაღმველებიც არიან მობილიზებული. ისინი უსაფრთხოების მიზნით მიმდებარე ტერიტორიებსა და კანალიზაციის მილებს ამოწმებენ.

ცნობისთვის, გენერალიტეტის მეთაური კარლეს პუჩდემონი დღეს საღამოს ადგილობრივ პარლამენტში სიტყვით გამოვა. ის ე.წ. რეფერენდუმის შედეგებს ოფიციალურად გამოაცხადებს. გარდა ამისა, პუჩდემონი სავარაუდოდ დამოუკიდებლობის შესახებაც გააკეთებს განცხადებას. აღსანიშნავია, რომ დამოუკიდებლობის გამოცხადების საკითხი დღეს ოფიციალურ დღის წესრიგში გაწერილი არ არის.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება