რუსეთის ოპერატიულმა სამსახურებმა მსოფლიოს უდიდეს საძიებო სისტემა Google-ს რეკლამისთვის ათეულობით ათასი დოლარი გადაუხადეს, - ამის შესახებ Washington Post იუწყება.

მედია საშუალების ინფორმაციით, აღნიშნული ფაქტი ამერიკის საპრეზიდენტო არჩევნებში რესპუბლიკელი დონალდ ტრამპის გამარჯვებას ემსახურებოდა.

ამასთან, მედიის ცნობით, ამ რეკლამების შეძენის კვალს კრემლთან პირდაპირ დაკავშირებულ იმ ჯგუფთან არ მივყავართ, რომელმაც მსგავსი მიზნების შესასრულებლად მომსახურება Facebook-ისგან შეიძინა.

აღსანიშნავია, რომ  Google-სა და ამერიკის შეერთებული შტატების ოფიციალურ წარმომადგენლობას ამ საკითხზე კომენტარი ჯერჯერობით არ გაუკეთებია.

ცნობისთვის, ამერიკის კონგრესის რამდენიმე კომიტეტი ამერიკის საპრეზიდენტო არჩევნებში რუსეთის ჩარევის საკითხს უკვე რამდენიმე თვეა იძიებს. გარდა ამისა, აშშ-ის დაზვერვის სამსახურები მიიჩნევენ, რომ ეს პროცესი უშუალოდ რუსეთის პრეზიდენტის მიერ იყო მართული

დონალდ ტრამპმა რუსეთთან ნებისმიერი ტიპის კავშირი არაერთხელ უარყო, მაგრამ ერთ-ერთ ინტერვიუში განაცხადა, რომ ის ფიქრობდა ამ „რუსეთთან დაკავშირებულ საკითხზე“ მაშინ, როდესაც  FBI-ის უფროსის ჯეიმს კომის გათავისუფლება გადაწყვიტა.

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ