გია ვოლსკი: პრეზიდენტის ვეტოს განვიხილავთ, თუმცა ვფიქრობ, პოზიცია არ უნდა შევიცვალოთ

2017-10-09 19:54:53, 1972 ნახვა

კომენტარი

მმართველი გუნდი საკონსტიტუციო ცვლილებების პროექტზე პრეზიდენტის ვეტოს დაძლევას აპირებს.

როგორც გია ვოლსკიმ "ექსპრესნიუსს" განუცხადა, პრეზიდენტის მოტივირებულ შენიშვნებს სიღრმისეულად განიხილავენ. თუმცა, ვოლსკის შეფასებით, როცა საქმე ქვეყნის ეროვნულ ინტერესებსა და სტაბილურობას ეხება, პოზიცია არ უნდა შეიცვალონ:

"ყველა თემასთან დაკავშირებით ჩვენი პოზიცია გაგვაჩნია, თუმცა არ არის მართებული, ჩემი აზრით, იმის თქმა, რომ ჩვენ ამ მოტივირებულ შენიშვნებს არ განვიხილავთ სიღრმისეულად. კიდევ ერთხელ გავივლით, კიდევ ერთხელ გადავხედავთ, თუმცა ვფიქრობ, როდესაც საქმე ეხება ეროვნულ ინტერესებს და ქვეყნის სტაბილურობას, რასაკვირველია, ჩვენ პოზიცია არ უნდა შევიცვალოთ",-აღნიშნა გია ვოლსკიმ.

შეგახსენებთ, პრეზიდენტმა საკონსტიტუციო ცვლილებების პროექტს ვეტო დაადო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები