თურქეთში, ამერიკის შეერთებულ შტატებთან ურთიერთობის დაძაბვის ფონზე, ეროვნული ვალუტა მკვეთრად გაუფასურდა.

კერძოდ, როგორც Finanz.ru იუწყება, ლირა დოლართან მიმართებაში 6% გაიაფდა.

მედიასაშუალების ინფორმაციით, დიპლომატიური სკანდალი თურქეთში სავალუტო სტაბილურობას დაარღვევს, რომელშიც ქვეყანა მთელი 2017 წლის განმავლობაში იმყოფებოდა, რადგან სტაბილურობის მიზეზი ტურისტების ვიზიტი და ინვესტიციები იყო.

ცნობისთვის, დღეს თურქეთმა და ამერიკამ ერთმანეთს ვიზების გაცემა შეუწყვიტეს. მედიის ცნობით, ვიზების შეჩერება, 5 ოქტომბერს სტამბოლში აშშ-ის გენერალური საკონსულოს თანამშრომლის დაკავებას უკავშირდება. მეტინ თოფუზი ფეთჰულა გიულენის ორგანიზაცია FETO-სთან კავშირშია ეჭვმიტანილი. მას კონსტიტუციის დარღვევაში, შპიონაჟში და მთავრობის ძალისმიერი გზით გადაყენების მცდელობაში ადანაშაულებენ.

აშშ-ის ხელისუფლება დაუსაბუთებლად მიიჩნევს და არ ეთანხმება მათი თანამშრომლის წინააღმდეგ წაყენებულ ბრალდებას. მსგავსი განცხადება ვაშინგტონში თურქეთის საელჩომაც გააკეთა და ვიზების გაცემა ასევე შეწყვიტა. თურქეთის საელჩომ ვაშინგტონში განაცხადა, რომ იძულებულია ხელახლა შეაფასოს აშშ-ის ხელისუფლების ერთგულება თურქეთის დიპლომატიური მისიის პერსონალის უსაფრთხოების უზრუნველყოფის მხრივ.

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება