გარემოსა და ბუნებრივი რესურსების დაცვის კომიტეტის სხდომაზე საქართველოს 2018 წლის სახელმწიფო ბიუჯეტის კანონპროექტს განიხილავენ. მომხსენებელი ფინანსთა მინისტრის მოადგილე გიორგი კაკაურიძეა.

კომიტეტის თავმჯდომარე კახაბერ კუჭავა  ბიუჯეტში გარემოს სექტორისთვის  გათვალისწინებული თანხის ოდენობით უკმაყოფილოა.

კუჭავას თქმით, სამწუხაროა, რომ გარემოს დაცვის საკითხები ისევ  არაპრიორიტეტულად რჩება:

"არის ბევრი საკითხი, რომელზეც, სამწუხაროდ, ვერ დაგეთანხმებით. პირველ რიგში, ყველაზე საწყენი ჩემთვის ისაა, რომ როდესაც ვხედავთ სხვადასხვა მიმართულებებით ზრდას და მე გეთანხმებით, კულტურა, სპორტი, განათლება და ბევრი სხვა სამინისტრო ძალიან მნიშვნელოვანია, რომ ამ კუთხით მოხდეს იმ პროექტების განხორციელება, რომელიც სახელმწიფოს დაგეგმილი აქვს, მაგრამ სამწუხაროა, როდესაც ვხედავთ, რომ გარემოს დაცვის საკითხები ისევ რჩება არაპრიორიტეტულად. ასევე ვერ დაგეთანხმებით იმაში, რომ მოთხოვნილი 15 მლნ ლარი გარემოს დაცვის სამინისტროს მიერ მაღალია. პირიქით, მე რომ მკითხოთ ძალიან დაბალია, მაგრამ ვხვდებით, რა სიტუაციაცაა და არ შეიძლება იმ თანხების სრულად გამოყოფა, რაც ჩვენ ვთვლით, რომ გარემოს სექტორს შეიძლება სჭირდებოდეს, მაგრამ არის პრიორიტეტული საკითხები, რომელიც აუცილებელია ჩვენ დღესვე გავითვალისწინოთ, რომ  პრევენცია მოხდეს ისეთი სტიქიური უბედურებების, რომელიც ახლა გვქონდა ყველაზე ბოლოს",-აღნიშნა კახაბერ კუჭავამ.

კერძოდ, კუჭავას შეფასებით, სატყეო სააგენტოს კადრები ტყის დაცვის ეფექტურობის მიზნით, ნელ-ნელა უნდა გაიზარდოს, ასევე კუჭავას განმარტებით,  კონკრეტული ნაბიჯებია გადასადგმელი გარემოზე ზედამხედველობის მიმართულებით, შესაბამისი სამსახურის კადრების ზრდის კუთხითაც.

2018 წლის სახელმწიფო ბიუჯეტი დაახლოებით 949 მილიონი ლარით იზრდება და 12 მლრდ 364 მლნ 500 ათასი ლარი იქნება. აქედან, გარემოსა და ბუნებრივი რესურსების დაცვის სამინისტროსთვის 43.0 მლნ ლარამდეა გათვალისწინებული.

ავტორი: ,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას