კატალონიის მთავრობის მეთაური კარლეს პუჩდემონი ესპანეთის მეფის განცხადებას გამოეხმაურა და აღნიშნა, რომ ფელიპე VI-მ "კატალონიელების აზრი არაფრად ჩააგდო", - ამის შესახებ BBC იუწყება. 

პუჩდემონის თქმით, მეფემ ესპანეთის მთავრობას დაუჭირა მხარი. 

"ჩვენ არ ვეთანხმებით მეფის მიმართვას, რომელმაც მხარი დაუჭირა მარიანო რახოის (ესპანეთის პრემიერი) პოლიტიკას და არაფრად ჩააგდო კატალონიელები, რომლებიც ისე არ ფიქრობენ, როგორც ის და პოლიციის მსხვერპლნი გახდნენ", -განაცხადა პუჩდემონმა. 

ცნობისთვის, ესპანეთის მეფემ ფელიპე მეექვსემ დამოუკიდებლობის რეფერენდუმთან დაკავშირებით კატალონიის ხელისუფლების ქმედებებს უკანონო და არადემოკრატიული უწოდა. 

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ