29 სექტემბერს Caspian European Club-ის და Caspian American Club-ის ორგანიზებით საქართველოში პირველად გაიმართა CEO Lunch Tbilisi-ის შეხვედრა. აღნიშნული ღონისძიება Caspian Energy-ს მიერ საქართველოში თავისი საქმიანობის განახლებას უკავშირდება. CEO Lunch Tbilisi-ის ფარგლებში გაიმართება აზერბაიჯანული და ქართული კომპანიების დირექტორთა შეხვედრები.

ღონისძიებას საპატიო სტუმრების სახით ესწრებოდნენ საქართველოს პრემიერ მინისტრი გიორგი კვირიკაშვილი, საქართველოს ვიცე-პრემიერი, ფინანსთა მინისტრი დიმიტრი ქუმსიშვილი, ეკონომიკისა და მდგრადი განვითარების მინისტრი გიორგი გახარია და აზერბაიჯანის საგანგებო და სრულუფლებიანი ელჩი საქართველოში დურსუნ ჰასანოვი.

შაინ მამმადოვმა, პაშა ბანკი საქართველოს დირექტორთა საბჭოს თავმჯდომარემ და აღმასრულებელმა დირექტორმა, სტუმრებს პრეზენტაციის სახით წარუდგინა პაშა ბანკის პროექტები და ფინანსური შედეგები დაარსებიდან დღემდე. მან ასევე ხაზი გაუსვა CEO Lunch Tbilisi-ის მნიშვნელობას ორი ქვეყნის ბიზნეს-წრეების დაახლოვებისთვის. ბ-ნმა გიორგი კვირიკაშვილმა პაშა ბანკს სპეციალური სამადლობელო სერტიფიკატი გადასცა პროექტის მხარდაჭერისთვის.

საქართველოს პრემიერ მინისტრმა მადლობა გადაუხადა ღონისძიების ორგანიზატორებს. მისი სიტყვებით: „ეს ღონისძიება ხელს შეუწყობს ახალი ბიზნეს კონტაქტების დამყარებას არა მხოლოდ საქართველოსა და აზერბაიჯანს, არამედ სხვა ქვეყნების წარმომადგენლებს შორისაც.“  მან ასევე აღნიშნა, რომ საქართველოს მთავრობა დიდ ყურადღებას უთმობს ქვეყანაში ინვესტიციების მოზიდვას და აზერბაიჯანი ამ კუთხით ძალიან მნიშვნელოვანი და სასურველი მხარეა.

„ვიმედოვნებ, რომ ქართველი ბიზნესმენებიც დაინტერესდებიან აზერბაიჯანის ბაზრით და იქაც განავითარებენ თავის საქმიანობას.“ - განაცხადა ბ-ნმა გიორგი კვირიკაშვილმა.

Caspian European Club-ის და Caspian American Club-ის გენერალურმა დირექტორმა ტელმან ალიევმა ასევე გაუსვა ხაზი CEO Lunch Tbilisi-ის მნიშვნელობას - ღონისძიების, რომელიც კომფორტულ, არაფორმალურ გარემოს შექმნის საქმიანი ურთიერთობების და მოლაპარაკებებისთვის.

CEO Lunch Tbilisi-ის შეხვედრები ყოველი თვის ბოლო პარასკევს ჩატარდება, შემდეგი შეხვედრა 27 ოქტომბერსაა დაგეგმილი.

(R)

ავტორი: ,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა