ადამიანის უფლებებისა და მართლმსაჯულების საკითხებში პრეზიდენტის მრჩეველი კახა კოჟორიძე არასამთავრობო ორგანიზაცია „ახალგაზრდა ადვოკატების“ განცხადებას გამოეხმაურა, რომლის თანახმადაც, ისინი პრეზიდენტთან დღევანდელ შეხვედრაზე არ დაუშვეს.

როგორც კოჟორიძემ აღნიშნა, სამწუხაროდ, პრეზიდენტი ყველა არასამთავრობო ორგანიზაციას ვერ შეხვდება.

მისივე განმარტებით, გიორგი მარგველაშვილმა შეხვედრა იმ კოალიციის ყველა წევრ ორგანიზაციას შესთავაზა, რომლებიც მართლმსაჯულების თემაზე წლებია, სისტემურად მუშაობენ.

თუმცა, კოჟორიძე არ გამორიცხავს, რომ მომავალში პრეზიდენტი სხვა არასამთავრობო ორგანიზაციებსაც შეხვდეს.

„2011 წლიდან არსებობს კოალიცია „დამოუკიდებელი გამჭვირვალე მართლმსაჯულებისთვის“, რომელიც 30-ზე მეტ ორგანიზაციას აერთიანებს. საქართველოს პრეზიდენტმა შესთავაზა შეხვედრა ამ კოალიციის ყველა წევრ ორგანიზაციას. დღეს თქვენ ნახეთ როგორი ფართო შეხვედრა იყო. არასამთავრობო ორგანიზაცია ძალიან ბევრი არსებობს და უნდა გავითვალისწინოთ ობიექტური რეალობა, რომ სამწუხაროდ პრეზიდენტი ყველა არასამთავრობო ორგანიზაციას ვერ შეხვდება. ყოველშემთხვევაში, ამ ეტაპზე ასე გადაწყდა იმიტომ, რომ ფიზიკურად ვერ დაიტევს ის დარბაზი, სადაც იყო შეხვედრა. თუმცა, მომავალში ალბათ შესაძლებელია სხვა ორგანიზაციებსაც შეხვდეს, მაგრამ ჩვენ არ გვინდა, რომ პრეზიდენტის ადმინისტრაციამ და უშუალოდ პრეზიდენტმა შერჩევითად იმოქმედოს, რომ ამას შევხვდი იმას არ შევხვდები, ამიტომ, შესთავაზა შეხვედრა იმ გაერთიანებას, რომელიც ამდენი წელია მართლმსაჯულების თემაზე სისტემურად მუშაობს და პრაქტიკულად ყველა იმ ორგანიზაციას აერთიანებს, რომელიც ამ თემაზე მუდმივად მუშაობს. თუ სხვებიც არინ, ალბათ დავფიქრდებით, რა ფორმატით შეიძლება შეხვედრა“, - განაცხადა კახა კოჟორიძემ.

ცნობისთვის, საქართველოს პრეზიდენტი გიორგი მარგველაშვილი დღეს უზენაესი სასამართლოს თავმჯდომარეობის კანდიდატის შერჩევასთან დაკავშირებით, კოალიციაში „დამოუკიდებელი გამჭვირვალე მართლმსაჯულებისთვის“ შემავალი 21 არასამთავრობო ორგანიზაციის წარმომადგენელს შეხვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა