თბილისის მერი ნაძალადევის რაიონში, ურეკის ქუჩა N4-ში,  ახლად გახსნილ 113-ე   საბავშვო ბაღში იმყოფებოდა.  დავით ნარმანიამ თბილისის  ბაგა-ბაღების მართვის სააგენტოს ხელმძღვანელ თემურ თორდინავასთან ერთად აღსაზრდელებს  ახალი სასწავლო წლის დაწყება მიულოცა და  საჩუქრად სახელმძღვანელოები გადასცა. 

“ჩვენ დღეს, ამ კვირის განმავლობაში, მესამე ახალი საბავშვო ბაღი გავხსენით. თემქაზე მოსახლეობას წლების განმავლობაში  აწუხებდა ეს პრობლემა, რადგან მათ ამ უბანში არ ჰქონდათ საბავშვო ბაღი. ამის გათვალისწინებით აქ ყველანაირი წესის დაცვით ავაშენეთ   თანამედროვე,  კომფორტული და ენერგოეფექტური ბაღი. ამ ახალ ბაღში ყველა პირობა არსებობს იმისთვის, რომ პატარები ღირსეულად აღიზარდონ“- განაცხადა დავით ნარმანიამ. 

ბაგა-ბაღს, სადაც ამჟამად 350 აღსაზრდელი ირიცხება კეთილმოწყობილი და გამწვანებული  შიდა ეზო აქვს. ეზოში  განთავსებულია ატრაქციონები და საპარკე ინვენტარი. 

აღსანიშნავია, რომ 113-ე საბავშვო ბაღი ძველი, იმ დახურული ბაღის მიმდებარედ აშენდა, სადაც  წლებია დევნილები ცხოვრობენ. 

10-ჯგუფიანი ბაღი 400 აღსაზრდელზეა გათვლილი. ბაგა-ბაღში ამ დროისთვის  დასაქმებულია 75 ადამიანი. 

ბაღის შენობა საერთაშორისო სტანდარტებს შეესაბამება და ადაპტირებულია შეზღუდული შესაძლებლობის მქონე  პირთათვის, შენობაში  გათვალისწინებულია ლიფტი და პანდუსები.

N113-ე ბაგა-ბაღი ერთ-ერთია იმ ხუთი ახალი ბაღიდან, რომელთა მშენებლობა გასულ წელს დაიწყო და ექსპლუატაციაში 2017 წლის შემოდგომაზე შევიდა.

(NS)

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ