თურქეთში ფეთჰულა გიულენის ორგანიზაციასთან კავშირის ბრალდებით 63 ადამიანი დააკავეს, აქედან 45 დაზვერვის ეროვნული ორგანიზაციის თანამშრომელია, - ამის შესახებ Anadolu იუწყება.

მედია საშუალების ინფორმაციით, სპეცოპერაცია ერთდროულად ქვეყნის 21 პროვინციაში ჩატარდა. გარდა ამისა, 9 ეჭვმიტანილი უკვე დააპატიმრეს.

მედიის ცნობით, პარალელურად კი, სტამბოლის სასამართლომ პატიმრობაში დატოვა ტერორისტული საქმიანობის ბრალდებით დაკავებული ოპოზიციურ გაზეთ “ჯუმურიეთის” 5 თანამშრომელი, რომელთაც ფეთჰულა გიულენის მოძრაობისა და ქურთების მუშათა პარტიასთან კავშირის გარდა, თურქეთის მიერ სირიელი ჯიჰადისტებისთვის იარაღის მიწოდებასთან დაკავშირებით მასალები ჰქონდათ გამოქვეყნებული.

მომდევნო მოსმენა სასამართლოში 25 სექტემბერს გაიმართება. სიტყვის თავისუფლების დასაცავად, სტამბოლის სასამართლოსთან მანიფესტაცია გაიმართა, რომელსაც რიგით მოქალაქეებთან ერთად, მედიის წარმომადგენლები და ოპოზიციონერი დეპუტატებიც ესწრებოდნენ.

შეგახსენებთ, რომ გასული წლის ივლისში სამხედრო გადატრიალების მცდელობის შემდეგ, თურქეთის ხელისუფლებამ მასობრივი დაპატიმრებები და თანამშრომლების დათხოვნა დაიწყო. ცნობისთვის, აღნიშნული პუტჩის დროს 250 ადამიანი დაიღუპა, ხოლო 2 200 ადამიანი დაშავდა.

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით