ექსპერტის პოლიტიკურ საკითხებში სოსო ცინცაძის შეფასებით, უკრაინის პრეზიდენტ პეტრო პოროშენკოსთვის დღეს რუსეთზე უფრო საშიში ოდესის ოლქის ყოფილი გუბერნატორი, მიხეილ სააკაშვილია.

როგორც ცინცაძემ „ექსპრესნიუსს“ განუცხადა, პოროშენკო შესაძლოა, რუსეთთან „ჩუმ შეთანხმებაზეც“ წავიდეს იმისათვის, რომ სააკაშვილი ჩამოიშოროს.

 „სააკაშვილი დღეს თუ დარჩა ლვოვში, იქ ლოდინის ყოველი საათი პოროშენკოსთვის არის ასე ვთქვათ აქტი. პოროშენკო ალბათ ჩუმ შეთანხმებაზეც წავა რუსეთთან ოღონდ სააკაშვილი მოიცილოს. დღეს პოროშენკოსთვის რუსეთზე უფრო საშიში არის სააკაშვილი პირადი ხელისუფლებისთვის და პოროშენკოსთვის პირადი ხელისუფლება უფრო მნიშვნელოვანია, ვიდრე უკრაინის მომავალი.  ასე რომ ყველაფერი დამოკიდებულია დღევანდელ დღეზე.  ჩემი აზრით თუ დღევანდელი დღე დაკარგა სააკაშვილმა  ცოლ-შვილის ლოდინში, ეს უკვე პოროშენკოს დროს აძლევს, რომ  ძალების მობილიზაცია ჩაატაროს  და უკვე წავიდეს ისეთ ნაბიჯზე, რომელიც არაპოპულარული იქნება დასავლეთის თვალში“,-დასძინა სოსო ცინცაძემ.

შეგახსენებთ, მიხეილ სააკაშვილი გუშინ მხარდამჭერებთან ერთად პოლონეთიდან უკრაინაში ჩავიდა. საზღვარზე მას სამართალდამცველების კორდონი დახვდა თუმცა, სააკაშვილის მხარდამჭერებმა კორდონი გაარღვიეს. იგი ამჟამად ლვოვში, ერთ-ერთ სასტუმროში იმყოფება.

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით