უკრაინის შს სამინისტროს კოლეგიის წევრი, დეპუტატ ანტონ გერაშენკოს განცხადებით, ოდესის ოლქის ყოფილი გუბერნატორის მიხეილ სააკაშვილის მომხრეებს უკრაინის საზღვრის გარღვევის დროს სისხლისღვრა სურდათ.

როგორც გერაშენკო Facebook-ის საკუთარ გვერდზე წერს, მათ მიერ საზღვრის გადაკვეთის დროს 5 მესაზღვრე და 11 პოლიციელი დაშავდა.

 „იმ პროვოკატორების მთავარი მიზანი, რომლებმაც უკრაინის სახელმწიფო საზღვარი უკანონოდ გაარღვიეს, სამართალდამცავი ორგანოების მხრიდან ბრუტალური ძალადობის სცენების თანხლებით სისხლისღვრის მიღწევა იყო. პროვოკატორებმა ვერ მიაღწიეს ამ მიზანს, პირიქით, ყველა გონიერი ადამიანისთვის ცხადი გახდა, რომ სააკაშვილიც და ტიმოშენკოც უკრაინაში ხელისუფლების ხელში ჩასაგდებად მზად არიან, ცხედრებზე გაიარონ. უკრაინის ხელისუფლებისთვის ერთადერთი სწორი გადაწყვეტილება კანონის შესაბამისად მუშაობაა. ამიტომ უკრაინის გენერალური პროკურორის იური ლუცენკოს გუშინდელი განცხადება უნდა დასრულდეს ბრალის წაყენებით ყველა პირისთვის, ვინც უკრაინის სახელმწიფო საზღვარი მიზანმიმართულად დაარღვია“, - წერს ანტონ გერაშენკო.

შეგახსენებთ, მიხეილ სააკაშვილი გუშინ მხარდამჭერებთან ერთად პოლონეთიდან უკრაინაში ჩავიდა. საზღვარზე მას სამართალდამცველების კორდონი დახვდა თუმცა, სააკაშვილის მხარდამჭერებმა კორდონი გაარღვიეს. იგი ამჟამად ლვოვში, ერთ-ერთ სასტუმროში იმყოფება.

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით