„TV პირველმა“ პირველმა პატრიარქის დაცვის ყოფილი უფროსის, სოსო ოხანაშვილის სასამართლოში დაკითხვის აუდიო ჩანაწერის ფრაგმენტი გაავრცელა.

ჩანაწერში ოხანაშვილი ამბობს, რომ პატრიარქის მდივანმა, შორენა თეთრუაშვილმა მკითხავთან ერთად საპატრიარქოს შენობის სხვენში ნემსებით დაჩხვლეტილი თოჯინა აღმოაჩინა.

"მინდა პატრიარქის მკითხავის შესახებ მოგახსენოთ. ეს ჩემი წამოსვლიდან ერთ კვირაში მოხდა. ზურა ბუჩუკურმა აღმიწერა ეს სიტუაცია, რომ მკითხავი მიიყვანა შორენამ საპატრიარქოში და იქ რაღაც ჯადოები აღმოაჩინეს. ამ ჯადოს აღმოჩენაში საინტერესო ის იყო, რომ კარები, რომელიც სხვენში იპოვეს, კარი, რომლის გასაღებიც შორენას ქონდა ყოველთვის, რატომღაც ეს გასაღები არ აღმოაჩნდა მას და "ბარგალკით" გაიჭრა კარი. იქ იპოვეს რაღაცა თოჯინა რაღაც ნემსებით და ასე შემდეგ. შორენამ პატრიარქს უთხრა, რომ ამისი ბრალი ყოფილა ყველაფერი, რაც ხდებოდა. და ახლა ყველაფერი დალაგდებაო", - ამბობს ოხანაშვილი.

გარდა ამისა, ოხანაშვილი სასამართლოსთვის მიცემულ ჩვენებაში აცხადებს, რომ დეკანოზ გიორგი მამალაძეს პატრიარქის მდივან-რეფერენტთან მეგობრული ურთიერთობა ჰქონდა.

„გიორგი შორენასთან ძალიან ახლო ურთიერთობაში იყო, ერთმანეთთან კარგად იყვნენ. შორენა პირველად დამელაპარაკა გერმანიაში. აი ესე დაიწყო ეს საუბარი: გავიგე, რომ იჭერენო, მაგრამ ამ ტირილში ცოტა სიხარული დავინახე. ხელი მომკიდა და მოკლედ მიშველე და რაღაც", - ამბობს ოხანაშვილი.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ