იენს სტოლტენბერგი ქვეყნებს ჩრდილოეთ კორეაზე ეკონომიკური ზეწოლისკენ მოუწოდებს

2017-09-07 07:06:15, 2230 ნახვა

მსოფლიო

ნატო-ს გენერალურმა მდივანმა იენს სტოლტენბერგმა ქვეყნებს მოუწოდა ჩრდილოეთ კორეაზე ზეწოლა გააგრძელონ, - ამის შესახებ Reuters იუწყება.

ამასთან, ალიანსის ხელმძღვანელის თქმით, ოფიციალური ფხენიანის წინააღმდეგ სანქციები უნდა გაფართოვდეს.

"გაეროში ჩრდილოეთ კორეაზე სანქციები უკვე შეთანხმებულია და მნიშვნელოვანია, რომ მათი იმპლემენტაცია მოხდეს", - განაცხადა სტოლტენბერგმა.

ფხენიანის წინააღმდეგ სანქციათა გაფართოების წინადადებით დღეს ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ ტალინში ევროკავშირის საგარეო უწყებათა წარმომადგენლებს შეხვედრაზე მიმართა.

მედია საშუალების ინფორმაციით, გერმანიის კანცლერი ანგელა მერკელი და აშშ-ის პრეზიდენტი დონალდ ტრამპი ჩრდილოეთ კორეის წინააღმდეგ მკაცრი სანქციების მიღებას უჭერენ მხარს, ხოლო რუსეთის პრეზიდენტი ვლადიმერ პუტინი აცხადებს, რომ ფხენიანის წინააღმდეგ სანქციებს აზრი არ აქვს.

მედიის ცნობით, გაეროს უშიშროების საბჭომ ჩრდილოეთ კორეის მიერ ბირთვული ბომბის გამოცდის გამო საგანგებო სხდომა გამართა. დაგეგმილია კიდევ ერთი სპეციალური რეზოლუციის პროექტის მიღებაც.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები