2017-09-04 23:27:25, 2416 ნახვა
საზოგადოება
მამა გიორგი მამალაძის საქმეზე განაჩენი დღეს გამოცხადდება
დეკანოზ მამა გიორგი მამალაძის საქმეზე განაჩენი დღეს გახდება ცნობილი. სხდომა თბილისის საქალაქო სასამართლოში 12:00 საათზე ჩაინიშნა. ინფორმაციას მამა გიორგი მამალაძის ადვოკატი გიორგი ფანცულაია ავრცელებს.
„დიდი იმედი მაქვს ხვალ იზეიმებს სამართლიანობა და სამართალი და მამა გიორგი მამალაძე გამართლდება! დასრულდეს უნდა ამ ქვეყანაში უდანაშაულო ადამიანების დევნა! ხვალ 12:00-ზე გვეცოდინება პასუხი: გვაქვს თუ არა სამართლიანი სასამართლო ამ ქვეყანაში!“,-წერს „ფეისბუქის“ პირად გვერდზე გიორგი ფანცულაია.
შეგახსენებთ, მამა გიორგი მამალაძეს ბრალად ედება ანგარების მოტივით პატრიარქის მდივან-რეფერენტის შორენა თეთრუაშვილის მკვლელობის მომზადება და ცეცხლსასროლი იარაღის უკანონოდ შენახვა.
ბრალდებები სასჯელის სახედ და ზომად 16-დან 20 წლამდე თავისუფლების აღკვეთას ითვალისწინებს.
![]()
ავტორი: ,
epn.ge (@expressnews.ge)
