2017-09-04 07:36:18, 2721 ნახვა
მსოფლიო
ანგელა მერკელი: ევროკავშირში თურქეთის ადგილი არ არის
გერმანიის კანცლერის ანგელა მერკელის განცხადებით, თურქეთის ადგილი ევროკავშირში არ არის.
ამის შესახებ კანცლერმა მარტინ შულცთან გამართული წინასაარჩევნო დებატების დროს განაცხადა.
"მე ვერ ვხედავ თურქეთს ევროკავშირის შემადგენლობაში და არც არასოდეს ვხედავდი. მე გავესაუბრები ჩემს კოლეგებს ამასთან დაკავშირებით და მივაღწევთ შეთანხმებას", - აღნიშნა მერკელმა.
მანვე დასძინა, რომ გერმანიამ სათანადოდ უნდა გასცეს პასუხი თურქეთს თავისი მოქალაქეების დაკავების გამო.
ცნობისთვის, თურქეთის პრეზიდენტმა რეჯეპ ტაიპ ერდოღანმა გერმანიაში მცხოვრებ თანამოქალაქეებს მოუწოდა, სექტემბერში დაგეგმილ არჩევნებს ბოიკოტი გამოუცხადონ და მმართველ პარტიას ხმა არ მისცენ.
![]()
ავტორი: ,
epn.ge (@expressnews.ge)
