თამარაშვილის ქუჩის მოსახლეობა ადგილზე ხეების მოჭრის გამო, პასუხისმგებლობას ბიძინა გიორგობიანს აკისრებს

2015-04-27 15:11:25, 570 ნახვა

საზოგადოება

თბილისში, იპოდრომის მიმდებარე ტერიტორიაზე, დღეს ხმაური იყო.

ადგილობრივმა მოსახლეობამ თამარაშვილის ქუჩის 13 ნომერში მიმდინარე მშენებლობის გამო, ხეების მოჭრა გააპროტესტა.

მოსახლეობა ხეების მოჭრაზე პასუხისმგებლობას თბილისის მერსა და თბილისის მერიის ეკოლოგიისა და გამწვანების სამსახურის უფროსს, ბიძინა გიორგობიანს აკისრებს.

ადგილობრივების მხარდასაჭერად იპოდრომის მიმდებარე ტერიტორიაზე თბილისის საკრებულოს დამოუკიდებელი დეპუტატი ალეკო ელისაშვილიც მივიდა. ელისაშვილს თავდაპირველად ტერიტორიაზე, სადაც ხეები მოიჭრა, არ უშვებდნენ, რასაც ხმაური მოჰყვა.

დეპუტატის განცხადებით, ამგვარი ნებართვის გაცემის შემდეგ, ბიძინა გიორგობიანმა თანამდებობა უნდა დატოვოს.

არსებული ინფორმაციით, თამარაშვილის ქუჩაზე კომპანია "არქი ჯგუფი" პროექტ "გრინ სითის" ახორციელებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან