საქართველოს ყოფილმა პრეზიდენტმა მიხეილ სააკაშვილმა BBC-ის გადაცემა Hard Talk-ში ყოფილი პრემიერ-მინისტრის ბიძინა ივანიშვილის მიერ საპარლამენტო არჩევნების მოგებაზე, არჩევნებისთვის რუსეთიდან ორი მილიარდი დოლარის მოზიდვაზე და ამ პროცესში ვლადიმერ პუტინისა და დიმიტრი მედვედევის ინტერესებზეც ისაუბრა.

აღნიშნულის შემდეგ წამყვანმა სტივენ საკურმა სააკაშვილს გაახსენა, რომ თავის დროზე მან მოქალაქეობა ბიძინა ივანიშვილს ჩამოართვა.  

"რასაც გასცემ იმას მოიმკი (What goes around, comes around)", - აღნიშნა წამყვანმა.

სააკაშვილის განმარტებით, ბიძინა ივანიშვილმა მოქალაქეობა ავტომატურად დაკარგა, ვინაიდან საქართველოს კანონმდებლობით, როდესაც პირი სხვა ქვეყნის მოქალაქე ხდება, ის ავტომატურად საქართველოს მოქალაქეობას კარგავს. 

"ივანიშვილი არავის გაუძევებია ქვეყნიდან. არავინ მოექცა მას ისე, როგორც მე მომექცა პოროშენკო, როგორც მე გავაძევეს უკრაინიდან", - დასძინა სააკაშვილმა. 

ინტერვიუში სააკაშვილმა რამდენჯერმე გააკრიტიკა პოროშენკო, თუმცა წამყვანმა გაახსენა, რომ სწორედ პოროშენკომ დაპატიჟა ის უკრაინაში 2015 წელს.

"თქვენ ბევრი მტერი გყავთ უკრაინაში. სულ აკრიტიკებთ პოროშენკოს. მაგრამ თქვენ ხომ მეგობრები იყავით, სწორედ მან მიგიწვიათ უკრაინაში 2015 წელს. თქვენ არ ხართ უკრაინელი, თქვენ ქართველი ხართ", - მიმართა საკურმა სააკაშვილს. 

ინტერვიუს ბოლოს სამყვანი დაინტერესდა, ერთი წლის შემდეგ, რომ მოვინდომოთ ინტერვიუს განმეორება  სად იქნება მიხეილ სააკაშვილი? ციხეში თუ პოლიტიკაში?!

ყოფილმა პრეზიდენტმა განაცხადა, რომ მაინც გაიმარჯვებს და ყველა დარწმუნებდება, რომ სიმართლეს ამბობდა. 

"აუცილებლად გავიმარჯვებთ. ამას ყველა ნახავს. ყველა დარწმუნდება, რომ რასაც ყოველთვის ვამბობდი სიმართლე იყო და ყველაფერი ასრულდა. იმედი მაქვს, რომ ჩვენ ინტერვიუს გაგრზელების სესაძლებლობა გვექნება, წინააღმდეგ შემთხვევაში გამოდის, რომ ციხეში ვიქნები. ვიმედოვნებ, რომ 1 წლის შემდეგ ჩვენი ინტერვიუ განმეორდება", - განაცხადა სააკაშვილმა, რასაც წამყვანი დაეთანხმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით