გორის რაიონულმა სასამართლომ „ქართული ოცნების“  წევრის  ირაკლი ხახუბიას ვაჟის, ბექა ხახუბიას  დაღუპვის საქმეზე ბრალდებული ორი პატრულ ინსპექტორი და მათი მეთაური 1000-ლარიანი გირაოს სანაცვლოდ  გაათავისუფლა.

პროკურატურა აღკვეთის ღონისძიების სახით სამივე პოლიციელის მიმართ  5 ათას ლარიანი გირაოს შეფარდებას ითხოვდა.

საქმის არსებითი განხილვა 2 ოქტომბერს ჩაინიშნა.

ცნობისთვის, გამოძიება პოლიციის თანამშრომლებს სისხლის სამართლის კოდექსის 333-ე და 116-ე მუხლების დარღვევას ედავება, რაც სამსახურებრივი უფლებამოსილების გადამეტებას და გაუფრთხილებლობით სიცოცხლის მოსპობას გულისხმობს.

შეგახსენებთ, რომ დეპუტატ ირაკლი ხახუბიას შვილი, ბექა ხახუბია 17 მაისს გორის გვირაბთან ავტოსაგზაო შემთხვევის შედეგად გარდაიცვალა.

აღნიშნულ საქმესთან დაკავშირებით, შინაგან საქმეთა სამინისტრომ შიდა ქართლის საპატრულო პოლიციის რამდენიმე თანამშრომელი სამსახურიდან გაათავისუფლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დენის სისტემური ავარიების თავიდან აცილება შესაძლებელი იყო - სემეკის დასკვნა

საქართველოს ბანკი მოსწავლეებისთვის- 10+ პროექტი, 600+ სტიპენდიატი 70 000 + ბენეფიციარი

თიბისი კაპიტალი საქმიანობას თიბისი ბანკის სტრუქტურაში გააგრძელებს

ნაციონალური მოძრაობა საკონსტიტუციო სასამართლოს მოსამართლეთა კოლეგიის აცილებას ითხოვს