მარგველაშვილი: საქართველოსა და ბელარუსს განსხვავებული არჩევანი გვაქვს, მაგრამ ფაქტია, რომ ერთმანეთის არჩევანს პატივს ვცემთ

2015-04-24 15:57:39, 417 ნახვა

პოლიტიკა

საქართველოს პრეზიდენტ გიორგი მარგველაშვილის განცხადებით, მიუხედავად იმისა, რომ ბელარუსი აღრმავებს თავის ურთიერთობას საბაჟო კავშირის მიმართულებით, საქართველო კი, ევროკავშირის მიმართულებით, ორივე სახელმწიფო ერთმანეთის არჩევანს პატივს სცემს.
ამის შესახებ გიორგი მარგველაშვილმა ბათუმში ბელარუსის პრეზიდენტ ალექსანდრე ლუკაშენკოს ვიზიტის შემაჯამებელი განცხადების გაკეთებისას აღნიშნა.
"ბელარუსი აღრმავებს თავის ურთიერთობას საბაჟო კავშირის მიმართულებით და საქართველო აღრმავებს თავის ეკონომიკურ კავშირებს ევროკავშირის მიმართულებით.მაგრამ კიდევ უფრო მნიშვნელოვნად ამ ურთიერთობის უკან დგას ის ფაქტი, რომ ჩვენ პატივს ვცემთ ჩვენს არჩევანს და ამ არჩევანიდან ვცდილობთ, მაქსიმალური შედეგი მოვუტანოთ ჩვენს ქვეყნებს",-განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან