შსს-ს საგანგებო სიტუაციების მართვის სააგენტოს დირექტორმა, ნიკოლოზ სირაძემ აშშ-ს ჯორჯიის შტატის ეროვნული გვარდიის გენერალს, ტომას ბლეკსტოკს, დელეგაციასთან ერთად, შსს-ს საგანგებო სიტუაციების მართვის სააგენტოს განსაკუთრებულ საგანგებო სიტუაციებზე რეაგირების სამმართველოში უმასპინძლა.

შსს-ს ინფორმაციით, შეხვედრაზე ნიკოლოზ სირაძემ ამერიკელ სტუმრებს შსს-ს საგანგებო სიტუაციების მართვის სააგენტოს საქმიანობა გააცნო, ასევე, მიმდინარე და დაგეგმილ პროექტებთან დაკავშირებით დეტალური ინფორმაცია მიაწოდა.

ამერიკულმა მხარემ შსს-ს საგანგებო სიტუაციების მართვის სააგენტოს აშშ-ს საელჩოს, აშშ-ს სამხედრო ინჟინერთა კორპუსისა და აშშ-ს ევროპული სარდლობის ერთობლივი საჩუქარი: ხელსაწყოების პორტატიული ყუთები, სხვადასხვა ტიპის გენერატორები, კარვები, ჩაფხუტები, ძალაყინები და სხვა აღჭურვილობა გადასცა.

შეხვედრაზე მხარეები სამომავლო თანამშრომლობის გაღრმავებაზე შეთანხმდნენ.

ვიზიტის ფარგლებში, ამერიკელმა სტუმრებმა აშშ-ს ევროპული სარდლობის ფინანსური მხარდაჭერით აშენებული, შსს-ს საგანგებო სიტუაციების მართვის სააგენტოს ახალი ადმინისტრაციული შენობა დაათვალიერეს და სიმულაციურ ჩვენებებს დაესწრნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს