საავადმყოფოში GEM FEST-ის კიდევ 2 მონაწილეა გადაყვანილი - ერთ-ერთის მდგომაროება კრიტიკულია

2017-08-04 19:10:53, 2447 ნახვა

საზოგადოება

ზუგდიდის რეფერალურ საავადმყოფოში ანაკლიიდან GEM FEST-ის კიდევ ორი მონაწილეა გადაყვანილი.

როგორც „ექსპრესნიუსს“ საავადმყოფოს საზოგადოებასთან ურთიერთობის სამსახურში განუცხადეს, ერთ-ერთის მდგომარეობა კრიტიკულია. პირველადი დიაგნოზი უცნობი ნივთიერებით ინტოქსიკაციაა.

„ინტოქსიკაციებით მომართვიანობა აქვს კლინიკას. სტაციონარში ამჟამად იმყოფებდა ორი ადამიანი, ერთის მდგომარეობა კრიტიკულია. ახალგაზრდა მამაკაცი იმყოფება მართვით სუნთქვაზე. ანაკლიიდან შემოიყვანეს ეს მამაკაცი, სად მიიღო ინტოქსიკაცია და სად იმყოფებოდა ვერ გეტყვით“,-აცხადებენ საავადმყოფოში.

შეგახსენებთ, გუშინ, გვიან ღამით, ანაკლიაში GEM FEST-ზე ახალგაზრდა გოგონა შეუძლოდ გახდა. იგი მწვავე ინტოქსიკაციის ნიშნებით ზუგდიდის რეფერალურ საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან