2017-07-26 15:16:00, 2358 ნახვა
საზოგადოება
წაღვერთან ახლოს, ტყეში ძლიერი ხანძარია
წაღვერთან ახლოს, არჯევანიძის ტყეში ძლიერი ხანძარია.
როგორც „ექსპრესნიუსს“ საგანგებო სიტუაციების მართვის სააგენტოში განუცხადეს, პირველადი მონაცემებით ხანძარი 6000 კვადრატულ მეტრზეა გავრცელებული.
„შეტყობინების მიღებიდან პირველივე წუთში მოხდა ჩვენი სახანძრო-სამაშველო ჯგუფების მობილიზება და დაიწყეს უშუალოდ ხანძრის ქრობის პროცესი. ასევე პროცესში ჩაერთო ჩვენი შტაბი. ადგილზეა შსს-ს სასაზღვრო პოლიციის ვერტმფრენიც. ყველაფერი კეთდება იმისათვის, რომ ხანძრის ლიკვიდირება დროულად მოხდეს“,- აცხადებენ საგანგებო სიტუაციების მართვის სამსახურში.
მათივე ინფორმაციით, დასახლებულ ტერიტორიაზე ხანძრის გავრცელების საფრთხე არ არსებობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
