თემქაზე ახალი საბავშვო ბაგა-ბაღის მშენებლობა დასრულდა.

თბილისის მერიის ინფორმაციით, ურეკის ქუჩაზე მდებარე N113-ე ბაღი სექტებერში გაიხსნება.  აღსაზრდელებს იქ თანამედროვე სტანდარტების შესაბამისი გარემო დახვდებათ.

დასრულებული ბაღის შენობა და კეთილმოწყობილი შიდა ეზო თბილისის მერმა დავით ნარმანიამ თბილისის საბავშვო ბაგა-ბაღების მართვის სააგენტოს ხელძღვანელთან თემურ თორდინავასთან ერთად დაათვალიერა.

აღსანიშნავია, რომ N133-ე საბავშვო ბაღი ძველი, დახურული ბაღის ადგილას აშენდა.            ათჯგუფიანი ბაღი 400-მდე აღსაზრდელს მიიღებს, დასაქმდება 75-მდე ადამიანი. შენობა არის საერთაშორისო სტანდარტების და  ადაპტირებულია შშმ პირთათვის.

„ეს არის მორიგი საბავშვო ბაღი, რომლის მშენებლობაც რამდენიმე დღის წინ დავასრულეთ. ბაღი აღიჭურვება და მიიღებს აღსაზრდელებს. ამ უბანს არცერთი საბავშვო ბაღი არ ემსახურებოდა, რადგან  ბაღის ძველ შენობაში დევნილები არიან განთავსებულები და ისინი იქ რჩებიან. ჩვენ გავმიჯნეთ ტერიტორია და ავაშენეთ ახალი საბვშვო ბაღი, რომელიც არის გაცილებით უფო თანამედროვე, კომფორტული, ყველა იმ საჭიროებაზე მორგებული, რომელსაც დღეს მოქმედი ნორმები უყენებს ახალ საბავშვო ბაღებს“, - განაცხადა დავით ნარმანიამ.

N113-ე ბაგა-ბაღი ერთ-ერთია იმ ხუთი ახალი ბაღიდან, რომელიც 2017 წლის სექტემბერში გაიხსნება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის