დღეს, 12:30 საათზე, სკოლა-ლიცეუმ „სხივში“   ევროპარლამენტარისა და ევროპის საბჭოს საპარლამენტო ასამბლეის თანაპრეზიდენტის  რებეკა ჰარმსის პრეს-კონფერენცია გაიმართება.  

ღონისძიებას  მუსტაფა ემრე ჩაბუქის მოჯახის წევრები, არასამთავრობო სექტორი, ჩაბუქის კოლეგები, თემაზე მომუშავე ადვოკატები და ჟურნალისტები დაესწრებიან. 

„მუსტაფა ემრე ჩაბუქი თურქეთის მოქალაქეა, რომელსაც გიულენის მოძრაობასთან სავარაუდო კავშირის ბრალდებით, თურქეთში ექსტრადაცია ემუქრება. აღნიშნული პიროვნება მუშაობდა სკოლაში მასწავლებლად წლების განმავლობაში. ამ ეტაპზე მისი და მისი ოჯახის მოთხოვნა თავშესაფრის შესახებ უარყოფილია საქართველოს მთავრობის მიერ. მე ინტერესით ვაკვირდები საქართველოში მიმდინარე მოვლენებს და ჩემი ვიზიტის ერთ-ერთი საკითხიც სწორედ ეს თემა იქნება.“- ნათქვამია რებეკა ჰარმსის ოფიციალურ  წერილში.

 აღსანიშნავია, რომ ევროპარლამენტის წევრი და ევროპის საბჭოს საპარლამენტო ასამბლეის თანაპრეზიდენტი რებეკა ჰარმსის ვიზიტი საქართველოში 12 ივლისს დაიწყო და დღეს დასრულდება. 

იგი  ბათუმის მე-14 საერთაშორისო კონფერეციაში „საქართველოს ევროპული გზა“ მონაწილეობას იღებდა. 
 ვიზიტის ფარგლებში ევროპარლამენტარმა  შეხვდები გამართა  მინისტრებთან, და პარლამენტის წევრებთან.  

დღეს იგი ასევე შეხვდება ლეილა მუსტაფაევას,  არასამთავრობო ორგანიზაციების წარმომადგენლებს, და ჟურნალისტებს. 

ევროპარლამენტარის ერთ-ერთი განსახილველი თემა იქნება მუსტაფა ემრე ჩაბუქის შესაძლო ექსტრადირება თურქეთში.

  თემის პარარელურად მისი ვიზიტის განმავლობაში განხილული იქნება ისეთი ახლო საკითხები როგორიცაა: უსაფრთხოება, ადამიანის უფლებები, მედია თავისუფლება.

საქართველოში ვიზიტის ფარგლებში ქალბატონი რებეკა გეგმავს მუსტაფა ემრე ჩაბუქის მონახულებას საპატიმროში.

 ევროპარლამენტარი ასევე შეხვდება თუბა ჩაბუქს. 

დაგეგმილი ღონისძიების შემდეგ ევროპის საბჭოს საპარლამენტო ასამბლეის თანაპრეზიდენტი  თბილისს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს