2017-07-16 10:41:08, 2378 ნახვა
საზოგადოება
17 ივლისიდან სინოპტიკოსები საქართველოში +37 გრადუსამდე სითბოს პროგნოზირებენ
გარემოს ეროვნული სააგენტოს ინფორმაციით, საქართველოს ტერიტორიაზე მომდევნო დღეების განმავლობაში ცხელი ამინდებია მოსალოდნელი.
აღმოსავლეთ საქართველოს ბარში დღეს ტემპერატურა +34 გრადუსამდე აიწევს, თუმცა მოსალოდნელია ხანმოკლე წვიმა, შესაძლებელია სეტყვაც, 17 ივლისს +36 გრადუსი იქნება, 18-19 ივლისს ჰაერი +37 გრადუსამდე გათბება.
დღეს დედაქალაქ თბილისში +27 გრადუსი სითბო ფიქსირდება, დღე უმეტესად უნალექოდ ჩაივლის, 17 ივლისს ჰაერი +34 გრადუსამდე გათბება, 18-19 ივლისს კი სინოპტიკოსები +35 გრადუს სითბოს ვარაუდობენ.
დასავლეთ საქართველოს ბარში დღეს +34 გრადუსი სითბო იქნება, 17 ივლისს +37 გრადუსი, 18 ივლისს +36 გრადუსი და ზოგან ხანმოკლე წვიმაა მოსალოდნელი, 19 ივლისს +32 გრადუსი და ზოგან წვიმაა ნავარაუდევი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
