„საქართველოს სამოყვარულო ფეხბურთის ასოციაცია“ 9 ივლისიდან „მოყვარულთა თასი 2017“-ის პრეზენტაციას საქართველოს სხვადასხვა რეგიონებში მართავს.

შეხვედრებს ესწრებიან ადგილობრივი მუნიციპალიტეტებისა და მონაწილე გუნდების წარმომადგენლები, ასევე, სოფლის რწმუნებულები და სხვა დაინტერესებული პირები. პრეზენტაცია მიზნად ისახავს „მოყვარულთა თასი 2017“-ის პოპულარიზაციას და მონაწილე გუნდებისათვის ჩემპიონატის დებულებისა და მონაწილეობის წესების გაცნობას, ასევე, დამატებით საქართველოს სამოყვარულო ფეხბურთის ასოციაციის სამომავლო მიზნების შესახებ ინფორმაციის მიწოდებას.

ასოციაციის წარმომადგენლებმა 9-13 ივლისს შეხვედრები გამართეს აღმოსავლეთ საქართველოს ზონის რეგიონებში, კერძოდ:

10 ივლისი -სამცხე-ჯავახეთი - ასპინძა - მონაწილე გუნდების რაოდენობა: 6

11 ივლისი - შიდა ქართლი, გორი; მცხეთა-მთიანეთი, მცხეთა - მონაწილე გუნდების რაოდენობა 12.

12 ივლისი - კახეთი - თელავი - მონაწილე გუნდების რაოდენობა: 8

13 ივლისი - ქვემო ქართლი - დმანისი - მონაწილე გუნდების რაოდენობა: 6

„მოყვარულთა თასი 2017“ იყოფა ორ ზონად: აღმოსავლეთი - 7 მუნიციპალური ლიგა და დასავლეთი -  6 მუნიციპალური ლიგა. ლიგების საუკეთესო გუნდები - 16 გუნდი მონაწილეობას მიიღებს ფინალურ ეტაპზე.

2017 წლის 15-18 ივლისს ასოციაციის წარმომადგენლები პრეზენტაციას გამართავენ დასავლეთის ზონის რეგიონებში - სამეგრელო, იმერეთი, რაჭა-ლეჩხუმი, აჭარა, გურია.

რეგიონალური ეტაპი სტარტს აიღებს 2017 წლის 22 ივლისიდან.

პროექტის საინფორმაციო მხარდამჭერები არიან: ტელეკომპანია „აჭარა“, ტელეკომპანია „თრიალეთი“, ინტერნეტ პორტალები: „მსოფლიო სპორტი“, „Goal.ge“, “1news.ge”, “epn.ge”, “ავტორადიო”, რადიო „ჯაკო“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის