რუსეთის საოლქო სასამართლომ ოპოზიციონერის ბორის ნემცოვის მკვლელს, ზაურ დადაევს 20 წლით თავისუფლების აღკვეთა მიუსაჯა, - ამის შესახებ BBC იუწყება.

მედია საშუალების ინფორმაციით, პროკურატურა ბრალდებულისთვის სამუდამო პატიმრობას ითხოვდა, თუმცა მოსამართლე იური ჟიტკოვის გადაწყვეტილებით, ​ ზაურ დადაევს 20 წლით თავისუფლების აღკვეთა მკაცრი რეჟიმის კოლონიაში და ჯარიმა 100 ათასი რუბლის ოდენობით მიესაჯა. გადაწყვეტილება ძალაში 10 დღიში შევა, თუ არც ერთი მხარე არ გაასაჩივრებს.

ამასთან, მედიის ცნობით, სასამართლომ დადაევს ასევე ლეიტენანტის წოდება და სიმამაცისთვის მინიჭებული ორდენი ჩამოართვა.

როგორც BBC წერს, ნემცოვის მკვლელობის საქმის კიდევ 4 ფიგურანტს 11-დან 19 წლამდე პატიმრობა მიესაჯა. 

შეგახსენებთ, გამოძიებამ დაადგინა, რომ 2015 წლის 27 თებერვალს დადაევმა ბორის ნემცოვს 6-ჯერ ესროლა, რის შედეგადაც ოპოზიციონერი გარდაიცვალა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს