თურქეთის ქალაქ კონიაში ჩატარებული ანტიტერორისტული ოპერაციის დროს სამართალდამცველებმა „ისლამური სახელმწიფოს“ 5 მებრძოლი მოკლეს, - ამის შესახებ Anadolu იუწყება.

მედია საშუალების ინფორმაციით, სპეცოპერაციის დროს 4 სამართალდამცველი დაშავდა. ისინი ადგილობრივ საავადმყოფოში გადაიყვანეს.

როგორც მედია წერს, სპეცოპერაცია საცხოვრებელ სახლში ჩატარდა, რადგან სამართალდამცავი ორგანოები რადიკალი ისლამისტების მიერ ტერაქტის მოწყობას ვარაუდობდნენ.

აღნიშნული სპეცოპერაციის დროს პოლიციასა და დაკავებულებს შორის შეტაკება მოხდა. ტერორისტებმა პოლიციას ცეცხლი გაუხსნეს. შემთხვევის ადგილიდან სამართალდამცველებმა „კალაშნიკოვის“ სისტემის ავტომატური ცეცხლსასროლი იარაღები და სხვა საბრძოლო მასალა ამოიღეს.

ამასთან, Anadolu-ს ცნობით, სამართალდამცველებმა სპეცოპერაციის დროს 8 ადამიანი დააკავეს.

შეგახსენებთ, რომ ტერორისტული დაჯგუფება "ისლამური სახელმწიფო" თურქეთის ტერიტორიაზე ტერაქტებს პერიოდულად გეგმავს. ასე მაგალითად, 2015 წლის ოქტომბერში ანკარაში მომხდარი აფეთქების შედეგად 100-ზე მეტი ადამიანი დაიღუპა. ბოლო 1 თვის განმავლობაში, ქვეყნის ტერიტორიაზე დაჯგუფებასთან კავშირის ბრალდებით თითქმის 190 ადამიანი დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს