სოფლის მეურნეობის სამინისტროს და სოფლის მეურნეობის სამეცნიერო-კვლევითი ცენტრის ერთობლივი პროექტის „მობილური ექსტენცია“ ფარგლებში ფერმერების კონსულტირება გრძელდება. 

უწყების პრესსამსახურის ინფორმაციით, სოფლის მეურნეობის სამეცნიერო-კვლევითი ცენტრის სპეციალისტებმა რაჭა-ლეჩხუმის რეგიონის სოფლების მაცხოვრებლებს მევენახეობის, მეკარტოფილეობის, მცენარეთა დაცვისა და მეცხოველეობის საკითხებზე ინფორმაცია მიაწოდეს.

სამინისტროს ინფორმაციით, სოფლის მეურნეობის სამეცნიერო-კვლევითი ცენტრის და საინფორმაციო-საკონსულტაციო სამსახურის სპეციალისტებმა ლენტეხის, ცაგერის, ონისა და ამბროლაურის სოფლების მაცხოვრებლების ფერმერული მეურნეობები და ნაკვეთები დაათვალიერეს, ადგილზე გაეცნენ მათ პრობლემებს და დახმარება გაუწიეს. 

აღსანიშნავია, რომ პროექტი “მობილური ექსტენცია” უკვე ორი წელია რაც მიმდინარეობს და ამ ხნის განმავლობაში სპეციალისტებმა საქართველოს თითქმის ყველა რეგიონი მოიარეს და ათასობით ფერმერს დაეხმარნენ. 

2017 წლის პირველ ნახევარში სოფლის მეურნეობის სამეცნიერო-კვლევითი ცენტრის სპეციალისტებმა, პროექტის „მობილური ექსტენცია“ ფარგლებში, მცხეთა მთიანეთის - 14, ქვემო ქართლის - 27, შიდა ქართლის - 16, კახეთის - 22, იმერეთის- 15, სამცხე-ჯავახეთის -22 სოფლის ფერმერებს საკონსულტაციო მომსახურება გაუწიეს. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს