კრწანისში მდებარე საერთო საჯარისო ცენტრში საველე დაზვერვის უმცროს ოფიცერთა კურსის გამოშვების ცერემონია გაიმართა. 

როგორც "ექსპრესნიუსს" თავდაცვის სამინისტროდან აცნობეს, სამხედრო მოსამსახურეებს კურსის დასრულება წვრთნებისა და სამხედრო განათლების სარდალმა, პოლკოვნიკმა მალხაზ მაკარაძემ მიულოცა, მხარდაჭერა აღუთქვა და წარმატებები უსურვა.

უწყების ინფორმაციით,  16 სამხედრო მოსამსახურეს დიპლომები, ერთ-ერთ მათგანს კი წარჩინებულის დიპლომი პოლკოვნიკმა მალხაზ მაკარაძემ და J-2 დაზვერვის დეპარტამენტის უფროსის მოვალეობის შემსრულებელმა, პოლკოვნიკმა ირაკლი გრიგოლაშვილმა გადასცეს.

საველე დაზვერვის უმცროს ოფიცერთა მომზადების კურსი 10 კვირის განმავლობაში 3 ეტაპად მიმდინარეობდა. 

პირველ ეტაპზე მსმენელებმა სამხედრო ტოპოგრაფია შეისწავლეს. მეორე ეტაპზე სავარაუდო მოწინააღმდეგის შეცნობასა და ამ მიმართულებით საჭირო ტაქტიკას, ტექნიკასა და შეიარაღებას გაეცნენ. მესამე ეტაპზე კი, კურსის მონაწილეებმა ოცეულის დონეზე სადაზვერვო მომზადება გაიარეს.

სწავლება, რომლის ძირითადი ნაწილი საველე-პრაქტიკული მეცადინეობებისგან შედგებოდა, 24 აპრილს დაიწყო და დღეს დასრულდა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ