საქართველოს მთავარი პროკურორის გიორგი ბადაშვილისა და „პატრიოტთა ალიანსის“ გენერალური მდივნის ირმა ინაშვილის შეხვედრა დასრულდა.

შეხვედრა პროკურატურაში გაიმართა.

როგორც „ექსპრესნიუსის“ კორესპონდენტი ადგილიდან იუწყება, შეხვედრა დაახლოებით 20 წუთი გაგრძელდა.

როგორც შეხვედრის დასრულების შემდეგ ირმა ინაშვილმა „ექსპრესნიუსს“ განუცხადა, გიორგი ბადაშვილი მუზეუმებიდან დაკარგული ნივთების საკითხით დაინტერესდა და განაცხადა, რომ გამოძიება აქტიურ ფაზაში უახლოეს მომავალში შევა.
 
„ძალიან საინტერესო შეხვედრა იყო. გიორგი ბადაშვილი დაინტერესდა მუზეუმებიდან გამქრალი ნივთებით და გვითხრა, რომ ჩვენ აუცილებლად მივალთ მოწმის სახით დაკითხვაზე. გიორგი ბადაშვილმა ასევე გვითხრა, რომ გამოძიება ინტენსიურად გაგრძელდება. ჩვენ ველოდებით მოვლენების განვითარებას და შემდეგ მოგახსენებთ, თუ რა ფაზაში იქნება თავად გამოძიება“, - განაცხადა ირმა ინაშვილმა.

შეგახენებთ, „პატრიოტთა ალიანსმა“ პროკურატურასთან საპროტესტო აქცია გამართა.

როგორც აქციის ორგანიზატორმა და „პატრიოტთა ალიანსის“ გენერალურმა მდივანმა ირმა ინაშვილმა „ექსპრესნიუსს“ განუცხადა, საქართველოს მუზეუმებიდან დაკარგულია ნივთები, რომლის შესახებაც მათ პროკურატურაში საჩივარი შეიტანეს, რათა გამოძიება დაწყებულიყო. მისივე ინფორმაციით, გამოძიება დაიწყო, თუმცა აღარ გაგარძელებულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციის ლიდერების უმეტესობა ამჟამად ან სისხლის სამართლის ბრალდებების წინაშე დგას, ან ემიგრაციაში იმყოფება, ან ციხეშია - ევროკომისიის ანგარიში

პაველ ჰერჩინსკიმ საქართველოს ხელისუფლებას 2026 წლის გაფართოების შესახებ ანგარიში ოფიციალურად გადასცა

თიბისის ციფრული ტრანსფორმაციის პროგრამა The Digital Banker-მა საქართველოში საუკეთესოდ აღიარა

ტელეკომპანია ფორმულას შენობაში ხანძარია, მაუწყებლობა შეწყდა