საზოგადოებრივი ჯანმრთელობის დაცვის სფეროში მომუშავე სამმა სახელმწიფო უწყებამ ერთობლივი თანამშრომლობის მექანიზმი შეიმუშავეს. 

სოფლის მეურნეობის სამინისტროს ინფორმაციით, ინფორმაციული გაცვლის სისტემის გაუმჯობესების მიზნით სსიპ სოფლის მეურნეობის სამინისტროს ლაბორატორიას, სსიპ სურსათის ეროვნული სააგენტოს და სსიპ ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრს შორის სამმხრივი ურთიერთთანამშრომლობის მემორანდუმი გაფორმდა. 

უწყებებს შორის სამმხრივი თანამშრომლობის განვითარება და განმტკიცება უზრუნველყოფს გეოგრაფიული ინფორმაციული სისტემების  (გის) გამართვას. 

ერთობლივი თანამშრომლობის მექანიზმი ხელს შეუწყობს ამ უწყებებსა  და მათ ქსელში ნებისმიერი საინფორმაციო სისტემის ეფექტურ მართვას.

ინფორმაციული გაცვლის სისტემის  გამოყენება შეიძლება მოვლენების ახსნისას, შედეგების პროგნოზირებისას და სტრატეგიების დაგეგმვისას.

აღსანიშნავია, რომ  სისტემის გამართვა მნიშვნელოვანია ლაბორატორიული მონაცემების, ასევე მონიტორინგის ვიზუალიზაციისათვის. 

ის, ასევე საშუალებას იძლევა ტესტის შედეგებისა და მონაცემთა ელექტრონულ გაცვლას/გაზიარებას. 
უწყებებს შორის თანამშრომლობის გაღრმავება გულისხმობს სამეცნიერო-კვლევითი საქმიანობისა და საზოგადოებრივი ჯანმრთელობის დაცვის მიმართულებით ერთობლივი პროექტების შემუშავებას და წარმართვას.

ასევე, თანამშრომლობის ფორმები მოიცავს: გეოგრაფიული ინფორმაციული სისტემების (გის) მონაცემთა ბაზების, ვექტორული და რასტრული მონაცემების, საბაზისო და თემატური გის ფენების, გის რუკებისა და ვებ–სერვისების გაცვლას,  თანამედროვე სტანდარტების სასწავლო-მეთოდური მასალის შექმნას, პარტნიორობას გის სწავლების ორგანიზებაში და ა.შ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე