დემირელის სახელობის კოლეჯის მენეჯერის მეუღლე თუბა ჩაბუქი იმედს გამოთქვამს, რომ 7 ივლისს ლტოლვილთა სამინისტრო სტატუსის მინიჭების საკითხთან დაკავშირებით დადებით გადაწყვეტილებას მიიღებს. 

როგორც ჩაბუქმა ლტოლვილთა სამინისტროს წარმომადგენელთან შეხვედრის შემდეგ განაცხადა, გასაუბრება საკმაოდ ნაყოფიერი იყო.  

„მინდა, მადლობა გადავუხადო სამინისტროს წარმომადგენელს, რომელიც გამესაუბრა. ძალიან კარგი გასაუბრება იყო და იმედით ვარ სავსე, რომ 7-ში ჩვენს სასარგებლოდ გადაწყდება საქმე“, - განაცხადა თუბა ჩაბუქმა.

ცნობისთვის, ლტოლვილთა და განსახლების სამინისტრო დემირელის კოლეჯის ხარისხის მართვის მენეჯერის, მუსტაფა ემრე ჩაბუქისთვის ლტოლვილის სტატუსის მინიჭების საკითხზე გადაწყვეტილებას 7 ივლისს მიიღებს. 

შეგახსენებთ, თბილისში, 24 მაისს, თურქული მხარის მოთხოვნით, დემირელის კერძო კოლეჯის ხარისხის მართვის მენეჯერი  მუსტაფა ემრე ჩაბუქი დააკავეს. სასამართლო პროცესზე პროკურორმა განაცხადა, რომ ჩაბუქს შეიარაღებული ტერორისტული ორგანიზაციის წევრობა ედება ბრალად და მისი დაპატიმრება მოითხოვა. მოსამართლემ ბრალდების მხარის შუამდგომლობა დააკმაყოფილა და მუსტაფა ემრე ჩაბუქს სამთვიანი წინასაექსტრადიციო პატიმრობა შეეფარდა. დაკავებული პედაგოგი ბრალს არ აღიარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა