ე.წ. ელიავას ბაზრობაზე დაზარალებულ მოვაჭრეებსა და სამართალდამცველებს შორის დაპირისპირება მოხდა. 

ინციდენტი მას შემდეგ დაიწყო, რაც მოვაჭრეებმა დამწვარ ტერიტორიაზე შესვლა სცადეს. ისინი მაღაზიებში შესვლას დილიდან ცდილობენ, თუმცა ტერიტორიაზე შესვლის უფლებას სამართალდამცველები არ აძლევენ. მოვაჭრეებმა პოლიციის კორიდორი გაარღვიეს, თუმცა პოლიციამ მათი შეჩერება შეძლო. 

დაზარალებულებს გადარჩენილი ნივთების გამოტანა სურთ. 

როგორც თანამშრომლები და მაღაზიების მფლობელები აცხადებენ, ისინი ამ დრომდე ელოდებიან პასუხისმგებელი პირების გამოჩენას და ტერიტორიის დატოვებას არ აპირებენ. ისინი ითხოვენ მერიის დასუფთავების სამსახურის დროულად მოსვლას და შესაბამისი სამსახურების ჩატარებას, რათა მათ სამუშაო პროცესის განახლება შეძლონ. 

შეგახსენებთ, ე.წ. ელიავას ბაზრობაზე ხანძარი 2 ივლისს გაჩნდა. ხანძარი ავტონაწილების მაღაზიაში გაჩნდა და შემდეგ მიმდებარე ტერიტორიაზე გავრცელდა. ცეცხლის ჩაქრობას 150-მდე მეხანძრე-მაშველი სცდილობდა. აღნიშნულ ფაქტზე გამოძიება შსს-ს პოლიციის დეპარტამენტის დეტექტივების სამმართველომ სსკ-ს 187-ე მუხლით დაიწყო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე