კონგოში დატყვევებული ქართველი სამხედრო მფრინავის სოსო ოსორაულის ძმა გიორგი ოსორაული ვიდეომიმართვას ავრცელებს. 

ვიდეომიმართვაში ოსორაულმა მდუმარე აქცია დააანონსა, რომელიც 7 ივლისს 19:00 საათზე, გმირთა მოედანზე გაიმართება. 

„ჩემი ძმა კონგოში დღემდე ტყვეობაში იმყოფება. მინდა ყველას თხოვნით მოგმართოდ, ყველანაირი ტელეეთერების გარეშე, ყველანაირი პოლიტიკის გარეშე. მინდა მივმართო ჩვენს ჯარისკაცებს, ჩვენს ვეტერნებს, რომლებიც 90-იანებში იბრძოდნენ, მინდა მივმარტო ჩვენს პოლიციელებს, ყველას ვისაც ფორმა აცვია, მინდა მივმართო იმათ ოჯახის წევრებს, ვისი ახლობელი და ნათესავი საქართველოს ჯარისკაცად დაიღუპა, მივმართავ მთავრობის წევრებს, ყველა პოლიტიკურ პარტიას. ყველას გვაერთიანებს საქართველო, რომელსაც ჯარისკაცი იცავს. ამიტომ, გთხოვთ, 7 ივლისს, 19:00 საათზე შევიკრიბოთ გმირთა მოედანზე სანთლებით ხელში და დავუდგეთ ერთმანეთს გვერდით. ვაჩვენოთ ყველას, რომ თითოეული ჯარისკაცის, თვითოეული მოქალაქის სიცოცხლე მნიშვნელოვანია სამშობლოსთვის“,- განაცხადა გიორგი ოსორაულმა. 

შეგახსენებთ, რომ 23 იანვარს კონგოში ადგილობრივმა მეამბოხეებმა ქართველი მფრინავი სოსო ოსურაული ტყვედ აიყვანეს. მათ სამხედრო-საჰაერო ძალების ორი შვეულმფრენი ჩამოაგდეს, ერთ-ერთს სწორედ ოსურაული მართავდა. სოსო ოსურაული თავდაცვის სამინისტროს შეიარაღებული ძალებიდან 2015 წელს საკუთარი განცხადების საფუძველზე წავიდა და მუშაობა კონგოში, კერძო საავიაციო კომპანიაში დაიწყო. მფრინავის კვალს ამ დრომდე ვერ აგნებენ. სხვადასხვა ინფორმაცია ვრცელდება - ერთ-ერთი ვერსიით მფრინავი უკვე გარდაცვლილია, მეორე ვერსიით კი, ის კვლავ ტყვეობაში იმყოფება. ინტერნეტში გამოქვეყნებული ვიდეო, რომელშიც სოსო ოსორაული ოჯახს მიმართავს, ძველ ჩანაწერად ცხადდება. 

ცნობისთვის, 24 მაისს საქართველოს საგარეო საქმეთა სამინისტრომ ბრიფინგი გამართა, სადაც მინისტრის მოადგილემ ზვიად გონაძემ განაცხადა, რომ ქართველი მფრინავი შესაძლოა, გარდაცვლილი იყოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე