იუსტიციის უმაღლესი საბჭოს მდივნის გიორგი მიქაუტაძის განცხადებით, საბჭომ  კანონით გათვალისწინებული ნორმების ფარგლებში იმოქმედა და საქალაქო სასამართლოს თავმჯდომარე დანიშნა.

მიქაუტაძის თქმით, მისთვის გაუგებარია საბჭოს წევრის ნაზი ჯანეზაშვილის შემოთავაზება საქალაქო სასამართლოს თავმჯდომარის არჩევის საკითხის გადადების თაობაზე.

გიორგი მიქაუტაძე ამბობს, რომ საბჭოს არ ჰქონდა ფუფუნება, ახალი რეგულაციების მოლოდინში  თავმჯომარის გარეშე დაეტოვებინა თბილისის საქალაქო სასამართლო.

„შემოთავაზება იყო, გადადებულიყო მანამ, სანამ არ მოწესრიგდება ახლებურად სასამართლოს თავმჯდომარის დანიშვნის საკითხი. ისეთ სასამართლოში, როგორიც არის თბილისის საქალაქო სასამართლო, სადაც უფლებამოსილებას 103 მოსამართლე ახორციელებს, დანიშნულია 500-ზე მეტი აპარატის თანამშრომელი, თავმჯდომარის გარეშე მუშაობა შეუძლებელია. საბჭოს არ ჰქონდა იმის ფუფუნება, ახალი რეგულაციების მოლოდინში თავმჯდომარის გარეშე დაეტოვებინა სასამართლო“,-განაცხადა მიქაუტაძემ.

მანვე კითხვაზე - რატომ არ შეიძლებოდა  თბილისის საქალაქო სასამართლოს მოვალეობის შემსრულებელი დანიშნულიყო, უპასუხა, რომ მოვალეობის შემსრულებლების დანიშვნა მწვავე კრიტიკის საგანი ხდებოდა ხოლმე.

„ისმოდა ბრალდებები, რომ საბჭო იტოვებდა დამატებით ბერკეტებს  სასამართლოს თავმჯდომარეებზე ზემოქმედების მიზნით“,-აღნიშნა იუსტიციის  უმაღლესი საბჭოს მდივანმა.

გიორგი მიქაუტაძემ ასევე უპასუხა არასამთავრობო ორგანიზაციების წარმომადგენლების ბრალდებებს, თითქოს ვასილ მშვენიერაძის კანდიდატურა საბჭოს მოსამართლე წევრებთან წინასწარ იყო შეთანხმებული.

 მიქაუტაძის თქმით, საბჭოს რამდენიმე მოსამართლე წევრი შესაძლოა, ინფორმირებული იყო იმის თაობაზე, რომ თავად კანდიდატურის დასახელებას აპირებდა.

თუმცა, იუსტიციის უმაღლესი საბჭოს  მდივნის განცხადებით, საბჭოს აბსოლუტურად ყველა წევრს ჰქონდა საშუალება, საკუთარი კანდიდატურა დაესახელებინა.

„ვასილ მშვენიერაძე ღირსეული კანდიდატია. სასამართლოს თავმჯდომარედ მუშაობის დაახლოებით 9 წლის გამოცდილება აქვს. კარგი მენეჯერია, სარგებლობს კარგი რეპუტაციით სასამართლო სისტემაში და მოსამართლეების მაღალი ნდობით, შესაბამისად, ვთვლი, რომ კარგი კანდიდატურა წარვუდგინე იუსტიციის უმაღლეს საბჭოს“,-განაცხადა მიქაუტაძემ.

13 მომხრე - 2  წინააღმდეგი- იუსტიციის უმაღლესმა საბჭომ თბილისის საქალაქო სასამართლოს თავმჯდომარედ ვასილ მშვენიერაძე აირჩია. 

ის ამ პოზიციაზე  დღეიდან იქნება დანიშნული. 

საბჭოს წევრებმა ასევე  კენჭი უყარეს ვასილ მშვენიერაძის თბილისის საქალაქო  სასამართლოს  ადმინისტრაციული  კოლეგიის თავმჯდომარედ დანიშვნის საკითხს და ის ამ თანამდებობაზე ხმათა უმრავლესობით აირჩიეს.

ცნობისთვის, თბილისის საქალაქო სასამართლოს თავმჯდომარის თანამდებობა ვაკანტური მას შემდეგ გახდა, რაც ყოფილმა თავმჯდომარე გიორგი მიქაუტაძემ იუსტიციის უმაღლესი საბჭოს მდივნის პოზიციაზე გადაინაცვლა. ვასილ მშვენიერაძის  კანდიდატურა ახალი შემადგენლობის საბჭოს პირველ სხდომაზე დღეს სწორედ გიორგი მიქაუტაძემ დაასახელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა