პრეზიდენტის საპარლამენტო მდივნის, გიორგი კვერენჩხილაძის, განცხადებით, ქვეყნის მდგომარეობის უმნიშვნელოვანეს საკითხებთან დაკავშირებით,  სახელმწიფოს მეთაურის მოხსენება, სიმბოლური დატვირთვის ვერ იქნება.

როგორც კვერენჩხილაძემ ჟურნალისტებს განუცხადა, სახელმწიფოებრივი განვითარებისთვის,  უწყებებს შორის  კოორდინაციისა და  ინსტიტუციური თანამშრომლობის პროცესისათვის მნიშვნელოვანია, რომ მთავრობა მოხსენების შინაარსით დაინტერესებული იყოს.

"სახელმწიფოს მეთაურის მოხსენება ქვეყნის მდგომარეობის უმნიშვნელოვანეს საკითხებთან დაკავშირებით, სიმბოლური დატვირთვის და შინაარსის მატარებელი ვერ იქნება. შესაბამისად, სახელმწიფოებრივი განითარებისთვის,  სახელმწიფო ორგანოებს შორის გარკვეული კოორდინაციის პროცესისთვის, ინსტიტუციური თანამშრომლობის პროცესისთვის, საკმაოდ მნიშვნელოვანია, რომ მთავრობა ამ მოხსენების შინაარსით დაინტერესებული იყოს. კონსტიტუციითვეა გათვალისწინებული, რომ მოხსენება  ქვეყნის უმნიშვნელოვანეს საკითხებთან დაკავშირებითაა",-განაცხადა გიორგი კვერენჩხილაძემ.

ცნობისთვის, დღეს საქართველოს პრემიერ-მინისტრმა ირაკლი ღარიბაშვილმა  განაცხადა, რომ ახალი კონსტიტუციით, მთავრობა ვალდებული არაა, პრეზიდენტის პარლამენტში სიტყვით გამოსვლას დაესწროს. მისივე თქმით, პრეზიდენტის გამოსვლა პარლამენტში სიმბოლურია და მინისტრებისა და პრემიერის იმ დროისათვის საკანონმდებლო ორგანოში   ყოფნა საჭიროდ არ მიაჩნია.

აღსანიშნავია,  გუშინ საქართველოს პრეზიდენტმა გიორგი მარგველაშვილმა იმედი გამოთქვა, რომ  შარშანდელი შემთხვევა, როდესაც მთავრობამ პარლამენტში პრეზიდენტის მოხსენებაზე დასწრება ვერ მოახერხა, წელს არ გამეორდება. როგორც მარგველაშვილმა განმარტა, მოხსენებაზე მთავრობის არ დასწრებამ, საქართველოს საერთაშორისო და შიდა იმიჯს სიკეთე არ მოუტანა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციის ლიდერების უმეტესობა ამჟამად ან სისხლის სამართლის ბრალდებების წინაშე დგას, ან ემიგრაციაში იმყოფება, ან ციხეშია - ევროკომისიის ანგარიში

პაველ ჰერჩინსკიმ საქართველოს ხელისუფლებას 2026 წლის გაფართოების შესახებ ანგარიში ოფიციალურად გადასცა

თიბისის ციფრული ტრანსფორმაციის პროგრამა The Digital Banker-მა საქართველოში საუკეთესოდ აღიარა

ტელეკომპანია ფორმულას შენობაში ხანძარია, მაუწყებლობა შეწყდა