მამა გიორგი მამალაძის სახაზინო ადვოკატის პაატა მეხრიშვილის განცხადებით, აეროპორტის 2 თანამშრომელი, რომელთა თანდასწრებითაც მოხდა ბრალდებულის ბარგის ამოღება, განსხვავებულ, არათანმიმდევრულ და ურთიერთგამომრიცხავ ჩვენებას იძლევა.

როგორც მან აღნიშნა, ბრალდებულის ბარგის პროკურატურაში მიტანა და დათვალიერება, ამოღებიდან დიდი ხნის გასვლის შემდეგ მოხდა. აქედან გამომდინარე, ადვოკატი არ გამორიცხავს, ბრალდებულის ბარგთან შემხებლობა სხვა ვინმეს ჰქონოდა. 

"დაიკითხა ის 2 თანამშრომელი, რომელთა თანდასწრებითაც მოხდა ბარგის ამოღება. ორივე განსხვავებულ, არათანმიმდევრულ და ურთიერთგამომრიცხავ ჩვენებებს იძლევა. აბსოლუტურად სხვადასხვაგვარად განმარტავენ ფაქტობრივ გარემოებებს. ბრალდებულის ბარგის პროკურატურაში მიტანა და მისი დათვალიერება, ამოღებიდან დიდი ხნის გასვლის შემდეგ მოხდა. ამ ბარგის აეროპორტის ტერიტორიაზე ყოფნის დროს, მასთან ამ 2 პიროვნებას შემხებლობა არ ჰქონია და შესაძლებელია სხვა ვინმეს ჰქონოდა მასთან შემხებლობა. აეროპორტის ტერიტორიაზე ბარგის გახსნა პრობლემას არ წარმოადგენს უშიშროების სამსახურისთვის. ეს დაადასტურეს ამ პირებმა. შესაბამისად ბარგში რაიმე აკრძალული ნივთიერების მოთავსება სრულიად მოსალოდნელი იქნებოდა", - აღნიშნა მეხრიშვილმა.

რაც შეეხება უშუალოდ ბარგის დათვალიერებას, ადვოკატის ინფორმაციით, მამა გიორგი მამალაძე მის ბარგში მომწამვლელი ნივთიერების არსებობით გაოცებული და გაკვირვებული იყო.

"ბარგის დათვალიერებას აღწერდნენ, რომ თვითონ მამაომ ამოიღო ეს ნივთი (ე.წ. დეზადორი) ხელჩანთიდან, როდესაც შემთხვევით გადმოვარდა აღნიშნული ნივთიერება და გამაოცებელი, და გამაკვირვებელი იყო მამაოსთვის ასეთი რაღაცის არსებობა თავის ნივთებში", - განუცხადა ჟურნალისტებს ადვოკატმა.

ცნობისთვის, ე.წ. ციანიდის საქმის პროკურორის, ჯარჯი წიკლაურის განცხადებით, პროკურატურაში დალუქული ბარგის გახსნისას, თავად ბრალდებულმა მამა გიორგი მამალაძემ ამოიღო ე.წ. დეზადორი, რომლის თავსახურში მას საწამლავი ჰქონდა დამალული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა