თბილისის მერიაში ენერგოეფექტური ტექნოლოგიებისა და ელექტრომობილების გამოფენა გაიხსნა.

როგორც "ექსპრესნიუსს" დედაქალაქის მერიიდან აცნობეს, გამოფენაზე წარმოდგენილი იყო ენერგოეფექტური ტექნოლოგიები და  ელექტრომობილები, ენერგოდამზოგავი მოწყობილობები, სამშენებლო მასალები, ალტერნატიული ენერგიის წყაროები, საინფორმაციო ბუკლეტები და ფლაერები.

თავიანთი პროდუქცია წარმოადგინეს შემდეგმა კომპანიებმა: Insta, Gorgia, New Light, SAGA, GEONOVATION, Knauf, Rehau, Dio, Albatross, Perliti, NOVA, Ytong Caucasus LLC, Sun House, Bioenergy, Qebuli Climate, Intrec Georgia, XYZ construction, Energy.ge, NEWTECH, GEOWATT, Nissan, Global Motors Georgia, Gino Paradise, E-Space. 

გამოფენის გახსნას თბილისის მერის მოადგილე ირაკლი ლექვინაძე, ენერგეტიკის მინისტრის მოადგილე ილია ელოშვილი, საკრებულოს თავმჯდომარე გიორგი ალიბეგაშვილი და მერების შეთანხმების კოორდინატორი გიორგი აბულაშვილი ესწრებოდნენ.  

გამოფენა მდგრადი ენერგეტიკის კვირეულის ფარგლებში მოეწყო. მდგრადი ენერგეტიკის კვირეულისადმი მიძღვნილი ღონისძიებები 19-25 ივნისს ევროპის მასშტაბით იმართება, რომლის მიზანია ადგილობრივი მოსახლეობის ინფორმირება, წახალისება და ჩართვა განახლებადი ენერგეტიკისა და ენერგოეფექტური ტექნოლოგიების პოპულარიზაციაში. თბილისი  აღნიშნულ კვირეულში ყოველწლიურად მონაწილეობს.

“თბილისის მერიისა და საკრებულოს, ასევე ენერგეტიკისა და გარემოს დაცვის სამინისტროების ერთობლივი ძალისხმევით, 19-დან 23 ივნისის ჩათვლით, თბილისში  მდგრადი ენერგიტიკის კვირეული გაიმართა. კვირეულის ფარგლებში, დღეს, თბილისის მერიაში მიმდინარეობს გამოფენა, სადაც წარმოდგენილია 30-მდე კომპანია, რომლებიც ენერგოეფექტური ტექნოლოგიების იმპორტითა თუ ადგილზე წარმოებით არიან დაკავებული. დამთვალიერებლებს შეუძლიათ მეტი ინფორმაციის მიღება იმის შესახებ, თუ რა შედეგები მოაქვს ენერგოეფქტური ტექნოლოგიების დანერგვას. აღსანიშნავია, რომ დღეს აქ წარმოდგენილ ელექტრომობილებთან ერთად არის  გერმანული წარმოების, CNG საწვავზე მომუშავე „მანის“ ავტობუსიც, რომელიც არის სახე თბილისის სატრანსპორტო სისტემის განახლების“ -განაცხადა ირაკლი ლექვინაძემ.

„მდგრადი ენერგეტიკის კვირეული 2017“  მერების შეთანხმების ფარგლებში იმართება. 
თბილისი მერების შეთანხმებას 2010 წლიდან შეუერთდა. შეთანხმება ევროკავშირის ფართომასშტაბიანი ინიციატივაა და იგი აერთიანებს ადგილობრივ და რეგიონულ მთავრობებს, რომლებიც ნებაყოფლობით იღებენ ვალდებულებას, გაზარდონ ენერგოეფექტურობა და განახლებადი ენერგიის წყაროების გამოყენება მათ დაქვემდებარებაში მყოფ ტერიტორიებზე. 

შეთანხმების ხელმომწერნი მიზნად ისახავენ 2020 წლისათვის შეამცირონ CO2-ის ემისიები მინიმუმ 20%-ით და ამით თავიანთი წვლილი შეიტანონ მწვანე ეკოლოგიურად ორიენტირებული ეკონომიკის განვითარებასა და საცხოვრებელი პირობების გაუმჯობესებაში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა