კორბოულში „საჩხერის სამედიცინო ცენტრის“ ექიმთა მობილურმა ჯგუფმა მოსახლეობას სამედიცინო გამოკვლევები რამდენიმე მიმართულებით ჩაუტარა.

როგორც საჩხერის პოლიკლინიკების გაერთიანების მეან -გინეკოლოგი და მობილური ჯგუფის ხელმძღვანელი მირანდა ჯანხოთელი აცხადებს, გამოკვლევებში მონაწილეობა კორბოულის მოსახლეობის დიდმა ნაწილმა მიიღო.

„დღეს ჩატარდა კორბოულში უფასო გამოკვლევები. საკმაოდ ბევრი ხალხი მოვიდა.  უფასო კვლევების ფარგლებში ჩატარდა საშვილოსნოს ყელის გამოკვლევა, გინეკოლოგის კონსულტაცია, ონკოლოგის კონსულტაცია, სარძევე ჯირკვლის გამოკვლევა, ეხოსკოპია, პროსტატის გამოკვლევა, კარდიოლოგის და ოფთალმოლოგის კონსულტაცია. ამ აქციაში მონაწილეობდა ოჯახის ექიმიც.  აქციაში მონაწილე ადამიანები პასუხებს რამდენიმე დღეში მიიღებენ და შემდეგ დაიგეგმება ექიმთან ვიზიტი“,- განაცხადა ჯანხოთელმა.

მისივე თქმით, უპრეცედენტო აქციის ფარგლებში გამოკვლევები 26 ივნისს სოფელ მერჯევში ჩატარდება.

„საჩხერის სამედიცინო ცენტრის“ ექიმთა მობილური ჯგუფი  უპრეცედენტო აქციის ფარგლებში 15-მდე სოფელს ეწვევა და იქ მცხოვრებ მოსახლეობას პირველად სამედიცინო კვლევებს ჩაუტარებს.

„საჩხერის სამედიცინო ცენტრის“ აქციის ფარგლებში დაგეგმილია: კარდიოლოგის კონსულტაცია და საჭიროების შემთხვევაში კარდიოგრამა არტერიული ჰიპერტენზიისა და გულის მძიმე პათოლოგიების პრევენციისა და მკურნალობის მიზნით; მამოლოგის კონსულტაცია სარძევე ჯირკვლის პათოლოგიების საწყის ეტაპზე აღმოჩენისა და მკურნალობის შემდგომი ტაქტიკის შემუშავებისთვის; საჭიროების შემთხვევაში მამოგრაფიის, ულტრასონოგრაფიული და ციტოლოგიური კვლევის ჩატარება; გინეკოლოგის კონსულტაცია, გასინჯვა და საჭიროების შემთხვევაში საშვილოსნოს ყელის ციტოლოგიური კვლევა (პაპ-ტესტი); უროლოგის კონსულტაცია და პროსტატსპეციფიური ანტიგენის PSA კვლევა, საჭიროების შემთხვევაში ულტრასონოგრაფიული და ციტოლოგიური კვლევა. ნევროლოგის კონსულტაცია, ფიზიკური გამოკვლევა ხერხემლის თიაქარის გამოსავლენად და საჭიროების შემთხვევაში მაგნიტურ-რეზონანსული ტომოგრაფია. ოფთალმოლოგის კონსულტაცია და მხედველობის გამოკვლევა.

სამედიცინო ცენტრის მიერ დაგეგმილი პროექტის ფარგლებში ასაკობრივი შეზღუდვა არ მოქმედებს, შესაბამისად, ნებისმიერი ასაკის ადამიანს შეუძლია მიიღოს უპრეცედენტო აქციაში მონაწილეობა.

ასევე, აქციის ფარგლებში შესაძლებელია, მოთხოვნის შესაბამისად ექიმთა მობილურ ჯგუფს ნებისმიერი სპეციალისტი დაემატოს.

„საჩხერის სამედიცინო ცენტრი“ აღნიშნული პროექტის გაგრძელებას მომავალშიც გეგმავს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა